Бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва Мақомоти иҷроияи ҳокимияти давлатии ноҳия дар ҷамоатҳои шаҳраку деҳоти ноҳияи Мастчоҳ фестивали ҷумҳуриявии “Варзиши дастрас” аз руи намудҳои варзиши шоҳмот, шашка, тенниси рӯи миз ва волейбол баргузор гардид.

Дар фестивал ҷавонону наврасон иштирок намуда, дар риштаи варзишҳои номбурда қувваозмоӣ намуданд.

Гуфта шуд, ки ҳадаф аз баргузории чорабинии мазкур тарғибу ташвиқи тарзи ҳаёти солим, оммавигардонии варзиш ва ба ҳамин васила бедор сохтани ҳисси зебоипарастиву варзишдӯстдории наврасону ҷавонон мебошад.