25 – октярбр дар Варзишгоҳи марказии ҷумҳуриявии шаҳри Душанбе мусобиқаи футбол байни дастаҳои мунтахаби Тоҷикистон (U-23) бо тими миллии Лубнон (U-23) баргузор гардид.

Гуфта мешавад, ки голи ягонаи бозиро дар дақиқаи 87-ум муҳофизатгари бошгоҳи “Истиқлол” ва мунтахаби олимпии кишвар – Ваҳдат Ҳанонов ба самар расонида, бо натиҷаи 1:0 ба фоидаи миллипӯшони тоҷик бозӣ анҷом ёфт.

Баъд аз ин пирӯзӣ тими миллии олимпии кишвар се имтиёзи заруриро ба даст оварда, дар зинаи дуюми гурӯҳи “В” мавқеъ пайдо намуд.

Хотиррасон мекунем, ки бозии навбатии миллипӯшони тоҷик рӯзи 28-уми октябр бо дастаи Непал дар назар аст.