Аз 18 то 22 ноябри соли ҷорӣ мусобиқаи ҷумҳуриявӣ оид ба футбол миёни бонувон баргузор мегардад.

Ин мусобиқа дар асоси нақшаи чорабиниҳои Кумитаи кор бо ҷавонон ва варзиши назди Ҳукумати ҷумҳурӣ бахшида ба таҷлили Рӯзи Парчами давлатӣ дар шаҳри Турсунзода гузаронида мешавад.

Дар мусобиқаи мазкур дастаҳои “Хатлон-1”, “Хатлон-2”, “Суғд”, “Душанбе”, “ШНТМ” ва “Норак” байни ҳам қувваозмоӣ мекунанд.

Дастаҳое, ки ҷойҳои 1, 2 ва 3-юмро ишғол менамоянд, бо медалу дипломҳои таъсиснамудаи Кумитаи кор бо ҷавонон ва варзиш ва бозингарони беҳтарин бо туҳфа ва дастаҳои ғолиб бо ҷомҳои таъсиснамудаи Федератсияи футболи Тоҷикистон сарфароз гардонида мешавад.

Бояд гуфт, ки мақсад аз баргузории мусобиқаи мазкур тарғибу ташвиқи футбол дар байни бонувон, мустаҳкам намудани алоқаи дӯстӣ байни варзишгарон-бонувон, баланд бардоштани маҳорати варзишгарзанҳо, муайян намудани футболбози беҳтарин барои интихоби дастаи мунтахаби футбол байни бонувон ва иҷрои Барномаи рушди футбол дар Ҷумҳурии Тоҷикистон барои солҳои 2017-2021 арзёбӣ гардидааст.