ВАРЗИШ
Шанбе 27 Апрел 2024 01:15
Имрӯз-13 март бо ибтикори Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва дар якҷоягӣ бо Муассисаи давлатии “Маркази такмили ихтисоси кормандони соҳаи тарбияи ҷисмонӣ ва варзиш” дар меҳмонхонаи Румии шаҳри Душанбе семинар-тренинги омӯзишӣ доир ба омодагии варзишгарон ба Бозиҳои олимпии Париж-2024 бо ҷалби мутахассисони хориҷӣ баргузор гардид.
Дар чорабинии мазкур Зулфиқор Гулаҳмадзода, раиси Кумитаи кор бо ҷавонон ва варзиш, Шаҳбози Искандар, директори Муассисаи давлатии “Маркази такмили ихтисоси кормандони соҳаи тарбияи ҷисмонӣ ва варзиш”, масъулини Кумитаи миллии олимпии Тоҷикистон, Донишкадаи тарбияи ҷисмонии Тоҷикистон ба номи С. Раҳимов, роҳбарони муассисаҳои тайёрии варзишии ҷумҳуриявӣ, сармураббиёни дастаҳои мунтахаби кишвар, мураббиён ва намояндагони федератсияҳои варзишии намудҳои олимпӣ иштирок намуданд.
Гулаҳмадзода Зулфиқор зимни баромади худ нахуст ба меҳмонону мутахассисони соҳаи варзиши Ҷумҳурии Узбекистон ҷиҳати пазируфтани даъвати ҷониби Тоҷикистон дар хусуси гузаронидани семинар-тренинги мазкур изҳори сипос намуд.
- Ман боварии комил дорам, ки меҳмонону мутахассисони ҷалб гардида, аз усулҳои нави корбарӣ ва таҷрибаи андохтаи худ истифода карда, ба шунавандагону иштирокчиёни чорабинии имрӯза ғизои маънавӣ ва заруриро вобаста ба самти фаъолияти соҳа хоҳанд дод,- гуфт раиси Кумита.
Тавре Шаҳбози Искандар, директори Муассисаи давлатии “Маркази такмили ихтисоси кормандони соҳаи тарбияи ҷисмонӣ ва варзиш” мегӯяд:
- Семинари мазкур дар доираи Нақшаи баргузории курсҳои такмили ихтисоси кормандони соҳаи тарбияи ҷисмонӣ ва варзиш роҳандозӣ гардида, мо кӯшиш карда истодаем, ки он дар сатҳи баланди илмӣ доир карда шавад. Бо ин мақсад мо 3 нафар мутахассисони сатҳи байналмилалиро аз Ҷумҳурии Узбекистон дар самти назорати допингӣ дар варзиш, менеҷменти варзиш ва ҳаракати олимпӣ даъват кардаем, то давоми 3 рӯз ба мутахасисони доир ба раванди олимпиадаи мазкур омӯзиш диҳанд.
Ёдовар бояд шуд, ки ҳадаф аз баргузории семинар-тренинги мазкур тайёрии ҳамаҷонибаи мутахассисону варзишгарони кишвар ба Бозиҳои олимпии Париж-2024 буда, аз 13 то 15 марти соли ҷорӣ идома меёбад.
Гулафшон КАРИМОВА, “ҶТ”
Дар чорабинии мазкур Зулфиқор Гулаҳмадзода, раиси Кумитаи кор бо ҷавонон ва варзиш, Шаҳбози Искандар, директори Муассисаи давлатии “Маркази такмили ихтисоси кормандони соҳаи тарбияи ҷисмонӣ ва варзиш”, масъулини Кумитаи миллии олимпии Тоҷикистон, Донишкадаи тарбияи ҷисмонии Тоҷикистон ба номи С. Раҳимов, роҳбарони муассисаҳои тайёрии варзишии ҷумҳуриявӣ, сармураббиёни дастаҳои мунтахаби кишвар, мураббиён ва намояндагони федератсияҳои варзишии намудҳои олимпӣ иштирок намуданд.
Гулаҳмадзода Зулфиқор зимни баромади худ нахуст ба меҳмонону мутахассисони соҳаи варзиши Ҷумҳурии Узбекистон ҷиҳати пазируфтани даъвати ҷониби Тоҷикистон дар хусуси гузаронидани семинар-тренинги мазкур изҳори сипос намуд.
- Ман боварии комил дорам, ки меҳмонону мутахассисони ҷалб гардида, аз усулҳои нави корбарӣ ва таҷрибаи андохтаи худ истифода карда, ба шунавандагону иштирокчиёни чорабинии имрӯза ғизои маънавӣ ва заруриро вобаста ба самти фаъолияти соҳа хоҳанд дод,- гуфт раиси Кумита.
Тавре Шаҳбози Искандар, директори Муассисаи давлатии “Маркази такмили ихтисоси кормандони соҳаи тарбияи ҷисмонӣ ва варзиш” мегӯяд:
- Семинари мазкур дар доираи Нақшаи баргузории курсҳои такмили ихтисоси кормандони соҳаи тарбияи ҷисмонӣ ва варзиш роҳандозӣ гардида, мо кӯшиш карда истодаем, ки он дар сатҳи баланди илмӣ доир карда шавад. Бо ин мақсад мо 3 нафар мутахассисони сатҳи байналмилалиро аз Ҷумҳурии Узбекистон дар самти назорати допингӣ дар варзиш, менеҷменти варзиш ва ҳаракати олимпӣ даъват кардаем, то давоми 3 рӯз ба мутахасисони доир ба раванди олимпиадаи мазкур омӯзиш диҳанд.
Ёдовар бояд шуд, ки ҳадаф аз баргузории семинар-тренинги мазкур тайёрии ҳамаҷонибаи мутахассисону варзишгарони кишвар ба Бозиҳои олимпии Париж-2024 буда, аз 13 то 15 марти соли ҷорӣ идома меёбад.
Гулафшон КАРИМОВА, “ҶТ”
Хабарҳои дигар
Рӯзнома
Эзоҳи худро нависед