Ба истиқболи 30-солагии Истиқлолияти давлатии Ҷумҳурии Тоҷикистон дар шаҳри Конибодом сохтмони як майдони варзишӣ ба охир расида, мавриди истифода қарор дода шуд.
 
Майдони варзишӣ барои гузаронидани футболи хурд аз ҷониби соҳибкор Исмоилҷон Турдиев дар деҳаи Ниёзбеки Ҷамоати деҳоти ба номи Эргаш Шарифов бунёд гардида, он чун туҳфаи хубе дар арафаи Рӯзи ҷавонон ба ҷавонони ҷамоат дониста шуд.

Дар маросими кушодашавии иншоот намояндаи Ҳукумати ҷумҳурӣ Ҷамшед Табарзода ва раиси шаҳри Конибодом Зафарбек Давлатзода иштирок намуда, варзишгаронро бахшида ба Рӯзи ҷавонони Тоҷикистон табрик  намуданд.

Зимни суханронии масъулин қайд гардид, ки дар шаҳри Конибодом то ҷашни 30-солагии Истиклолияти давлатӣ боз чанд иншооти варзишӣ бунёд карда мешавад.