Аз 18-ум то 20-уми август ҷудокорони ҷаҳон дар мусобиқаи байналмилалии Zagreb Grand Prix 2023 дар Хорватия ба масофи ҳам меоянд. Тоҷикистонро 5 ҷудокор дар вазнҳои мухталиф намояндагӣ мекунад. Дар ин бора сомонаи МД ТВ “Варзиш” хабар медиҳад.

Бино ба иттилои манбаъ, мусобиқа дар шаҳри Загреб ҷараён гирифта, дар он 561 ҷудокор - 339 мард ва 222 зан аз 88 кишвари дунё, аз рӯи 7 вазн барои ба даст овардани нишонҳои фахрӣ қувваозмоӣ мекунанд.

Тоҷикистонро дар ин мусобиқаи байналмилалӣ Муҳаммадсолеҳ Қувватов (-60 кг), Меҳрзод Суфиев (-60кг), Обид Ҷебов (-66 кг), Маҳмадшариф Наҷмиддинов (-73 кг) ва Ҷаҳонгир Маҷидов (-90 кг) намояндагӣ мекунанд.

Маросими қуръакашии мусобиқа рӯзи 17-уми август баргузор мегардад.

Яҳё МАҲМАДНАБИЕВ, “ҶТ”