ВАРЗИШ
Якшанбе 22 Декабр 2024 05:00
Дастаи "Истиқлол"-и Душанбе, ки дар бозии панҷумаш дар марҳилаи гурӯҳии Лигаи чемпионҳои AFC (Конфедератсияи футболи Осиё)-2021 тими “Шабоб Ал-Аҳлӣ Дубай”-и Имороти Муттаҳидаи Арабро бо ҳисоби 1:0 шикаст дод, дар ҷадвали гурӯҳи “А” мавқеашро дар мақоми аввал нигаҳ дошт.
Бозӣ миёни бошгоҳҳои “Шабоб Ал-Аҳлӣ Дубай” ва “Истиқлол” шаби 28-уми апрел (соати 00:00 бо вақти Душанбе) дар шаҳри Риёз, пойтахти Арабистони Саудӣ, дар Варзишгоҳи байналмилалии Шоҳ Фаҳд баргузор шуд.
Дар нимаи аввали дидор бозигарони “Шабоб Ал-Аҳлӣ” бештар ба ҳуҷум мегузаштанд. Аммо нимаи дувуми дидор бо лаҳзаҳои ҷолиб хотирмон шуд. Ҳарду даста вазъиятҳои хуби голзаниро ба вуҷуд оварданд. Дарвозабони “Истиқлол” Рустам Ятимов маҳорати баланд зоҳир карда, дарвозаашро аз гол эмин дошт.
Чигунае, ки сомонаи расмии телевизиони "Варзиш" навиштааст, дар рақобати даври 5-уми марҳилаи гурӯҳии ЛЧО-2021 низ мутахассисон пирӯзиро нисбати “Шабоб Ал-Аҳлӣ” бештар пешгӯӣ мекарданд.
- Рақобат ба нуқтаи ниҳоии худ наздик шуд ва довар ба бозӣ 5 дақиқа илова намуд, шербачаҳои мо бо ёрии сарвони даста Алишер Ҷалилов дар дақиқаи 90+6 гол ба самар расонида, дили тамоми мардуми тоҷикро шод намуданд. Акнун баъди ин пирӯзӣ арабҳо бори дигар қоил шуданд, ки “Истиқлол” тасодуфан пирӯз намешудааст ва ин дастаи тоҷикӣ дар ҳақиқат ба ин чорабинии бузург омодагии ҷиддӣ дидааст,- омадааст, дар гузориши ин сомона.
Голи ягонаро дар ин дидор капитани “Истиқлол” Алишер Ҷалилов дар дақиқаи охирини замони изофа (90+6) ба самар расонд ва ба дастааш се имтиёз овард.
Ин севумин пирӯзии “Истиқлол” дар Лигаи қаҳрамонҳои AFC-2021 ба шумор меравад. Қаблан қаҳрамони Тоҷикистон бозии даври аввалро дар гурӯҳи “А” бо бошгоҳи “Шабоб Ал-Аҳлӣ Дубай”-и Имороти Муттаҳидаи Араб бо ҳисоби мусовӣ (0:0) анҷом дода, дар даври дувум бошгоҳи АГМК-и Узбекистонро бо ҳисоби 3:2 мағлуб карда буд. Дар даври севум “Истиқлол” бозиро ба “Ал-Ҳилол” бо ҳисоби 1:3 бохт. "Истиқлол" дар бозии чорумаш “Ал-Ҳилол”-ро бо ҳисоби бузурги 4:1 шикаст дод.
Ба ин тартиб, ҳоло дар ҷадвали гурӯҳи “А” дастаи “Истиқлол” бо даҳ имтиёз дар зинаи аввал қарор дорад. Бошгоҳи “Ал-Ҳилол” низ даҳ имтиёз гирифтааст ва дар ҷойи дувум мебошад. Дастаҳои “Шабоб Ал-Аҳлӣ Дубай” ва АГМК бо чоримтиёзӣ мутаносибан ҷойҳои севуму чорумро касб кардаанд.
Бозӣ миёни бошгоҳҳои “Шабоб Ал-Аҳлӣ Дубай” ва “Истиқлол” шаби 28-уми апрел (соати 00:00 бо вақти Душанбе) дар шаҳри Риёз, пойтахти Арабистони Саудӣ, дар Варзишгоҳи байналмилалии Шоҳ Фаҳд баргузор шуд.
Дар нимаи аввали дидор бозигарони “Шабоб Ал-Аҳлӣ” бештар ба ҳуҷум мегузаштанд. Аммо нимаи дувуми дидор бо лаҳзаҳои ҷолиб хотирмон шуд. Ҳарду даста вазъиятҳои хуби голзаниро ба вуҷуд оварданд. Дарвозабони “Истиқлол” Рустам Ятимов маҳорати баланд зоҳир карда, дарвозаашро аз гол эмин дошт.
Чигунае, ки сомонаи расмии телевизиони "Варзиш" навиштааст, дар рақобати даври 5-уми марҳилаи гурӯҳии ЛЧО-2021 низ мутахассисон пирӯзиро нисбати “Шабоб Ал-Аҳлӣ” бештар пешгӯӣ мекарданд.
- Рақобат ба нуқтаи ниҳоии худ наздик шуд ва довар ба бозӣ 5 дақиқа илова намуд, шербачаҳои мо бо ёрии сарвони даста Алишер Ҷалилов дар дақиқаи 90+6 гол ба самар расонида, дили тамоми мардуми тоҷикро шод намуданд. Акнун баъди ин пирӯзӣ арабҳо бори дигар қоил шуданд, ки “Истиқлол” тасодуфан пирӯз намешудааст ва ин дастаи тоҷикӣ дар ҳақиқат ба ин чорабинии бузург омодагии ҷиддӣ дидааст,- омадааст, дар гузориши ин сомона.
Голи ягонаро дар ин дидор капитани “Истиқлол” Алишер Ҷалилов дар дақиқаи охирини замони изофа (90+6) ба самар расонд ва ба дастааш се имтиёз овард.
Ин севумин пирӯзии “Истиқлол” дар Лигаи қаҳрамонҳои AFC-2021 ба шумор меравад. Қаблан қаҳрамони Тоҷикистон бозии даври аввалро дар гурӯҳи “А” бо бошгоҳи “Шабоб Ал-Аҳлӣ Дубай”-и Имороти Муттаҳидаи Араб бо ҳисоби мусовӣ (0:0) анҷом дода, дар даври дувум бошгоҳи АГМК-и Узбекистонро бо ҳисоби 3:2 мағлуб карда буд. Дар даври севум “Истиқлол” бозиро ба “Ал-Ҳилол” бо ҳисоби 1:3 бохт. "Истиқлол" дар бозии чорумаш “Ал-Ҳилол”-ро бо ҳисоби бузурги 4:1 шикаст дод.
Ба ин тартиб, ҳоло дар ҷадвали гурӯҳи “А” дастаи “Истиқлол” бо даҳ имтиёз дар зинаи аввал қарор дорад. Бошгоҳи “Ал-Ҳилол” низ даҳ имтиёз гирифтааст ва дар ҷойи дувум мебошад. Дастаҳои “Шабоб Ал-Аҳлӣ Дубай” ва АГМК бо чоримтиёзӣ мутаносибан ҷойҳои севуму чорумро касб кардаанд.
Хабарҳои дигар
Рӯзнома
Эзоҳи худро нависед