ВАРЗИШ
Якшанбе 08 Сентябр 2024 05:17
![3098](/upload/iblock/3e9/%D0%A5%D0%B8%D0%B4%D0%B8%D1%80%D0%BE%D0%B2%D0%B0.gif)
Дар толори МИҲД-и вилояти Хатлон ҷаласаи якҷояи Шӯрои ҳамоҳангсозӣ оид ба рушди тарбияи ҷисмонӣ ва варзиши мақомоти иҷроияи ҳокимияти давлатии вилоят ва комиссияи байниидоравӣ оид ба рушди соҳаи туризм бо иштироки муовини раиси вилояти Хатлон Махфират Хидирзода, сардори Раёсати кор бо ҷавонон ва варзиши вилоят Фариза Абдуллоева баргузор гардид.
- Варзиш як василаи пурқуввати тарбия аст, - гуфт Махфират Хидирзода. - Метавонем, тавассути варзиш ҷавононро дар роҳи ватандӯстию хештаншиносӣ ва арҷ гузоштан ба арзишҳои миллӣ тарбия намоем. Ҳамчунин, пешгирии шомилшавии ҷавонон ба ҳар гуна ҳизбу ҳаракатҳои иртиҷоӣ, ин ба варзиш ҷалб кардани ҷавонон аст, афзуд ӯ.
Ба иттилои Фариза Абдуллоева дар вилоят 29 мактаби варзишии кӯдакону наврасон, 1 мактаби маҳорати олии варзишӣ, 1 мактаби махсуси варзишии кӯдакону наврасон ба номи Саидмуъмин Раҳимов, 34 варзишгоҳ, 27 ҳавзи шиноварӣ, 2949 майдончаҳои варзишӣ, 511 толори варзишӣ амал мекунад, ки дар онҳо 587 нафар мураббиён аз рӯйи 36 намуди варзиш ба 14596 нафар варзишгар тамрин медиҳанд, ки аз онҳо 1591 нафарро занон ташкил медиҳанд.
Инчунин зикр карда шуд, ки варзишгарони вилоят соли 2017 дар 40 мусобиқаи ҷумҳуриявӣ ширкат варзида, 364 медали тилло, 327 медали нуқра ва 403 медали биринҷӣ, дар маҷмӯъ 1094 медал ба даст оварданд. Варзишгарони вилоят дар мусобиқаҳои байналмилалӣ соҳиби 20 медал, аз ҷумла, 5 медали тилло, 8 медали нуқра ва 7 медали биринҷӣ шуданд.
Тибқи маълумотҳои оморӣ дар шаш моҳи соли 2017 ба вилояти Хатлон 105 сайёҳи хориҷӣ ва 3100 нафар сайёҳони дохилӣ аз зиёратгоҳҳо, осорхона ва дигар мавзеъҳои сайёҳии вилоят дидан намуданд.
Умед Мирзоев, “ҶТ”
- Варзиш як василаи пурқуввати тарбия аст, - гуфт Махфират Хидирзода. - Метавонем, тавассути варзиш ҷавононро дар роҳи ватандӯстию хештаншиносӣ ва арҷ гузоштан ба арзишҳои миллӣ тарбия намоем. Ҳамчунин, пешгирии шомилшавии ҷавонон ба ҳар гуна ҳизбу ҳаракатҳои иртиҷоӣ, ин ба варзиш ҷалб кардани ҷавонон аст, афзуд ӯ.
Ба иттилои Фариза Абдуллоева дар вилоят 29 мактаби варзишии кӯдакону наврасон, 1 мактаби маҳорати олии варзишӣ, 1 мактаби махсуси варзишии кӯдакону наврасон ба номи Саидмуъмин Раҳимов, 34 варзишгоҳ, 27 ҳавзи шиноварӣ, 2949 майдончаҳои варзишӣ, 511 толори варзишӣ амал мекунад, ки дар онҳо 587 нафар мураббиён аз рӯйи 36 намуди варзиш ба 14596 нафар варзишгар тамрин медиҳанд, ки аз онҳо 1591 нафарро занон ташкил медиҳанд.
Инчунин зикр карда шуд, ки варзишгарони вилоят соли 2017 дар 40 мусобиқаи ҷумҳуриявӣ ширкат варзида, 364 медали тилло, 327 медали нуқра ва 403 медали биринҷӣ, дар маҷмӯъ 1094 медал ба даст оварданд. Варзишгарони вилоят дар мусобиқаҳои байналмилалӣ соҳиби 20 медал, аз ҷумла, 5 медали тилло, 8 медали нуқра ва 7 медали биринҷӣ шуданд.
Тибқи маълумотҳои оморӣ дар шаш моҳи соли 2017 ба вилояти Хатлон 105 сайёҳи хориҷӣ ва 3100 нафар сайёҳони дохилӣ аз зиёратгоҳҳо, осорхона ва дигар мавзеъҳои сайёҳии вилоят дидан намуданд.
Умед Мирзоев, “ҶТ”
Эзоҳи худро нависед