Тими “Хуҷанд”-и шаҳри Хуҷанд, ҷоизадори медалҳои нуқраи чемпионати Тоҷикистон оид ба футбол, бозии дуюми худро дар доираи плей-оффи Ҷоми КФО (Конфедератсияи футболи Осиё)–2018 бар муқобили дастаи “Аҳал”-и шаҳри Балканобод доир намуда, бо ҳисоби 0-2 шикаст хурд.

Ин дидор имрӯз, 20-уми феврал, дар Варзишгоҳи “20-солагии Истиқлолияти Тоҷикистон”-и шаҳри Хуҷанд бо иштироки 25 ҳазор мухлис доир гардид. Дастпарварони Рустам Хоҷаев, сармураббии тими “Хуҷанд” пас аз мағлубияти дидори аввал, натавонистанд дар майдони худ ба ҳариф дастболо гарданд. Дар қисми аввали рақобат футболбозони ҳарду ҷониб ба дарвозаҳои ҳариф фишор оварданд, аммо ба задани гол муяссар нашуданд. Қисми аввали дидор бо ҳисоби 0-0 ба поён расид.

Қисми дуюми бозӣ бо фишори футболбозони туркман оғоз гардида, дар дақиқаи 49-ум ҳамлагари меҳмонон Везиргулди Улясов голи аввалинро вориди дарвозаи Алексей Матрасов намуд. Чанде пас ба ҳамлагари хуҷандиҳо Ҷаҳонгир Эргашов фурсади голзани ба миён омад, аммо дарвозабон маҳорати баланд нишон дода, дарвозаашро аз гол эмин дошт. Пас аз 3 дақиқа ҳамлагари дигари тими “Аҳал” Сулаймон Муҳадов голи дуюми бозиро ба номаш сабт намуд. Дар дақиқаи 60 дидор ҳимоятгари “Хуҷанд” Бекназаров Хуршед ба қоидавайронкуни роҳ дода, Нивон Ровеш Ҷамини, довари марказӣ аз Шриланка ба ӯро бо корти сурх муҷозот намуҳд.. Бози бо ҳисоби 0-2 ба фоидаи меҳмонон хотима ёфт.

Дидори мазкур дар доираи плей-оффи Ҷоми КФО-2018 доир гардида, ғолиби ин ҷуфт аз рӯи натиҷаи ду бозӣ 0-3 дастаи “Аҳал”-и Туркманистон ба марҳилаи гурӯҳии Ҷоми КФО-2018 роҳ ёфта, дар гурӯҳи “D” бо дастаҳои “Истиқлол”-и Тоҷикистон, “Алтин Асир”-и Туркманистон ва “Олой”-и Қирғизистон рақобат мекунад.

Ёдовар мешавем, ки бозии аввали плей-оффи Ҷоми КФО (Конфедератсияи футболи Осиё)–2018, рӯзи 13-уми феврал дар шаҳри Балканободи Туркманистон баргузор гардида буд. Дар ин дидор дастаи “Аҳал” ҳарифаш тими “Хуҷанд”-ро бо ҳисоби 1-0 мағлуб намуда буд.