ВАРЗИШ
Якшанбе 08 Сентябр 2024 04:31
![1359](/upload/iblock/4b5/33.jpg)
Кристина Пронженко, даванди тоҷикистонӣ дар давидан ба масофаи 200 метр дар сабқати интихобӣ дар Рио-де-Жанейрои Бразилия дар гурӯҳи худ охирин шуда ба мара расид ва аз ҳақи мубориза барои дарёфти медали олимпӣ маҳрум гашт.
К. Пронженко дар давраи интихобӣ оид ба варзиши сабук, ки рӯзи 15 август дар Варзишгоҳи олимпии Рио-де-Жанейро барпо гардид. дар давидан ба масофаи 200 метр дар гурӯҳи 9-ум таҳти рақами 1239 ҳунарнамоӣ намуда, дар байни ҳашт нафар бо натиҷаи 25,53 сония мақоми охиринро касб намуд.
Дар гурӯҳи 9-ум Офонайм Одионг, варзишгари баҳрайнӣ бо натиҷаи 22,74 сония ғолиб гардид.
Дар сабқати интихобӣ дар давидан ба масофаи 200 метр миёни занон 72 варзишгар иштирок намуданд, ки Кристина Пронженко дар ҷойи 69-ум қарор гирифт.
Дар сабқатҳои давидан ба масофаи 200 метр миёни занон Марие-Ҷосӣ Талоу аз Кот-д'Ивуар бо натиҷаи 22,31 сония мақоми аввалро касб намуд. Мақомҳои дуюму сеюмро варзишгарони ИМА Деаҷаҳ Стивенс бо натиҷаи 22,45 сония ва Тори Бовие бо натиҷаи 22,47 сония ишғол намуданд.
Аз ҳафт варзишгаре, ки дар Бозиҳои XXXI тобистонаи олимпӣ дар Рио-де-Жанейрои Бразилия Тоҷикистонро муаррифӣ мекарданд шаш нафар – Анвар Юнусов (бокс, вазни то 60 кг), Комроншоҳи Устопириён (ҷудо, вазни то 90 кг), Олим Қурбонов ва Анастасия Тюрина (ҳарду оид ба шиноварӣ ба масофаи 50 метр бо тарзи озод), Муҳаммадмурод Абдураҳмонов (ҷудо, вазни беш аз 100 кг) ва Кристина Пронженко (давидан ба масофаи 200 метр) аз идомаи рақобатҳо маҳрум гаштанд.
Умеди охирини мухлисони варзиши кишвар ба гурзандоз Дилшод Назаров аст, ки рӯзи 17 август ҳунарнамоӣ мекунад.
К. Пронженко дар давраи интихобӣ оид ба варзиши сабук, ки рӯзи 15 август дар Варзишгоҳи олимпии Рио-де-Жанейро барпо гардид. дар давидан ба масофаи 200 метр дар гурӯҳи 9-ум таҳти рақами 1239 ҳунарнамоӣ намуда, дар байни ҳашт нафар бо натиҷаи 25,53 сония мақоми охиринро касб намуд.
Дар гурӯҳи 9-ум Офонайм Одионг, варзишгари баҳрайнӣ бо натиҷаи 22,74 сония ғолиб гардид.
Дар сабқати интихобӣ дар давидан ба масофаи 200 метр миёни занон 72 варзишгар иштирок намуданд, ки Кристина Пронженко дар ҷойи 69-ум қарор гирифт.
Дар сабқатҳои давидан ба масофаи 200 метр миёни занон Марие-Ҷосӣ Талоу аз Кот-д'Ивуар бо натиҷаи 22,31 сония мақоми аввалро касб намуд. Мақомҳои дуюму сеюмро варзишгарони ИМА Деаҷаҳ Стивенс бо натиҷаи 22,45 сония ва Тори Бовие бо натиҷаи 22,47 сония ишғол намуданд.
Аз ҳафт варзишгаре, ки дар Бозиҳои XXXI тобистонаи олимпӣ дар Рио-де-Жанейрои Бразилия Тоҷикистонро муаррифӣ мекарданд шаш нафар – Анвар Юнусов (бокс, вазни то 60 кг), Комроншоҳи Устопириён (ҷудо, вазни то 90 кг), Олим Қурбонов ва Анастасия Тюрина (ҳарду оид ба шиноварӣ ба масофаи 50 метр бо тарзи озод), Муҳаммадмурод Абдураҳмонов (ҷудо, вазни беш аз 100 кг) ва Кристина Пронженко (давидан ба масофаи 200 метр) аз идомаи рақобатҳо маҳрум гаштанд.
Умеди охирини мухлисони варзиши кишвар ба гурзандоз Дилшод Назаров аст, ки рӯзи 17 август ҳунарнамоӣ мекунад.
Эзоҳи худро нависед