ВАРЗИШ
Душанбе 22 Октябр 2018 07:16
4200
Даври панҷуми чемпионати Тоҷикистон оид ба футбол миён дастаҳои лигаи олӣ бо ғалабаи “Истиқлол”-и Душанбе ба поён расид.

Дар ин давр дастаи “Истиқлол” пешсафи ҷадвали мусобиқа тими “Хуҷанд”-и шаҳри Хуҷандро пазируфта, бо ҳисоби 1-0 шикаст дод. Бозии мазкур, рақобати марказии давр ба ҳисоб рафта, рӯзи 14 апрел дар Варзишгоҳи марказии шаҳри Ҳисор баргузор гардид.

Голи ягонаи дидорро ҳамлагари бошгоҳи “Истиқлол” Дилшод Восиев дар дақиқаи 77 вориди дарвозаи Алексей Матросов намуда, дастаашро пешсафи мусобиқа кард.

Даври панҷум, барои шогирдони Муҳаммадҷон Ҳабибулоев сармураббии дастаи “Регар-ТадАЗ”-и шаҳри Турсунзода бобарор хотима ёфт. Зеро ин ғалабаи аввалини даста дар лигаи олӣ ба ҳисоб мерафт. Тими “Регар-ТадАЗ”-и шаҳри Турсунзода дар майдони худ дастаи “Панҷшер”-и ноҳияи Ҷалолиддини Балхиро бо ҳисоби 3:1 шикаст дод. Дар дақиқаи 17 дидор ба Саидхони Амрохон кушодани голи аввал муяссар гардид. Қисми аввал бо ҳисоби 1-0 хотима ёфт. Дақиқаҳои аввали қисми дуюми бозӣ, барои меҳмонон бо барор оғоз гардида, дар дақиқаи 54 ҳамлагари дастаи “Панҷшер” Хайриддин Турахонов ҳисобро баробар намуд. Дастпарварони бошгоҳи “Регар-ТадАЗ” дар дақиқаҳои 84, 88 Акбар Бобомуродов ва Нуъмон Зокиров голи ғалабаоварро ба самар расониданд.

Бозии дигари ин давр миёни тимҳои “Хатлон”-и шаҳри Бохтар ва “Кӯктош”-и ноҳияи Рӯдакӣ бо ҳисоби мусовии 1:1 ба поён расид.

Ин дидор дар Варзишгоҳи марказии шаҳри Кӯлоб ҷараён гирифт. Аввалин шуда соҳибони майдон дар дақиқаи 21 бозӣ ба задани гол даст ёфтанд. Муаллифи гол ҳимоятгари “Хатлон” Наим Иброҳимзод ба шумор рафт. Дар дақиқаи 48 легионери ганагии дастаи “Кӯктош” Идан Окран ҳисоби бозиро баробар намуд.

Баъди хотимаи бозиҳои даври панҷум чемпионати кишвар оид ба футбол миёни дастаҳои лигаи олӣ дар ҷадвал тими “Истиқлол”-и шаҳри Душанбе бо 12 имтиёз садрнишин гардид. Дастаи “Хуҷанд”-и шаҳри Хуҷанд бо 10 хол дар мақоми дуюм ҷой гирифт. ССКА “Помир”-и шаҳри Душанбе бо гирифтани 6 хол дар зинаи сеюм қарор дорад.

Аз сабаби ширкат доштани футболбозони “Барқчӣ”-и шаҳри Ҳисор дар машқҳои тамринию таълимии мунтахаби ҷавонони кишвар, бозии охирини даври панҷуми мусобиқа рӯзи 18 апрел миёни дастаҳои “Барқчӣ” – ССКА “Помир” дар Варзишгоҳи марказии Ҳисор соати 16:00 доир мешавад.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Октябр 2018 c.