ВАРЗИШ
Панҷшанбе 09 Май 2024 01:23
Бозиҳои даври ҳафтуми чемпионати кишвар оид ба футбол миёни дастаҳои лигаи олӣ рӯзи 29 апрел хотима ёфт.
Бошгоҳи “Хуҷанд”-и шаҳри Хуҷанд дар майдони худ тими “Панҷшер”-и Ҷалолиддини Балхиро қабул намуда, бо ҳисоби бузург 4:0 шикаст дод.
Дар дақиқаи 19 Дилшод Бозоров ҳамлагари хуҷандиҳо голи нахустинро ба самар расонд. Қисми аввал бо голи задаи мизбонон хотима ёфт. Дар қисми дуюм соҳибони майдон бозиро пурра дар ихтиёри худ гирифта, дар дақиқаи 58 голи дуюмро вориди дарвозаи “Панҷшер” намуданд. Муаллифи гол Фарҳод Тоҳиров дониста шуд. Ду голи дигари “Хуҷанд”-ро Ҷаҳонгир Эргашов дар дақиқаҳои 73,77 ба номи худ сабт намуд.
Рақобати дигар дар Варзишгоҳи марказии шаҳри Ҳисор ҷараён гирифт. Навкорони лигаи олӣ, тими “Кӯктош”-и ноҳияи Рӯдакӣ меҳмони дастаи “Барқчӣ”-и шаҳри Ҳисор шуда, бозиро ба фоидаи худ бо ҳисоби 3:2 хотима доданд. Нодирбек Иброҳимов ҳамлагари “Кӯктош” дар дақиқаи 25 нахустин голи бозиро вориди дарвозаи Шоҳрух Қирғизбоев намуда, дастаашро пешсаф намуд. Пас аз 13 дақиқа аввалин голи бошгоҳи “Барқчӣ”-ро дар ин мавсим Саидмухтор Азимов зада, ҳисобро баробар намуд. Мизбонон ба ҳариф фишор оварда, дар дақиқаи 43 Абдулрасул Раҳмонов голи дуюмро ба самар расонд. Қисми аввал бо ҳисобӣ 1-2 хотима ёфт. Дар қисми дуюм футболбозони дастаи “Кӯктош” ду тӯби дигарро вориди дарвозаи “Барқчӣ” намуданд. Голҳоро Атҳамҷон Абдуллоев (50), Муҳаммадшарифи Саидхоҷа (70) ба номи худ сабт намуданд. Ёдовар мешавем, ин бохти панҷуми дастаи “Барқчӣ” ба шумор меравад.
Дидори марказии ин давр миёни тимҳои “Регар-ТадАЗ”-и шаҳри Турсунзода ва “Хатлон”-и шаҳри Бохтар баргузор гардид. Дар ин рақобат дастаи “Хатлон” дар шаҳри Турсунзода соҳибони майдонро бо ҳисоби 3:1 шикаст дод. Ҳамлагари “Хатлон” Наврӯз Рустамов, дар дақиқаи 17 ҳисобро боз намуд. Футболбозон бо ҳисобӣ 0-1 майдонро тарк карданд. Аз оғози қисми дуюм ҳимоятгари мизбонон Доробҷон Эргашов, ҳисобро баробар кард. Дар дақиқаи 80 бозингарони “Регар-ТадАЗ” қоидаи бозиро вайрон намуданд ва довари бозӣ Сайёдҷон Зайниддинов зарбаи 11-метра таъин кард. Ин фурсатро Далер Шомуродов ба хуби истифода намуда, ҳисобро афзун кард. Голи сеюми “Хатлон”-ро Кароматулло Саидов дар дақиқаи 89 ба ҳадаф расонд.
Як бозии дигари даври ҳафтуми мусобиқаи қаҳрамонии Тоҷикистон миёни дастаҳои Душанбе - “Истиқлол” ва ССКА “Помир” 9 май баргузор мешавад.
Дар ҳоли ҳозир дар ҷадвали мусобиқа дастаҳои “Хуҷанд”-и шаҳри Хуҷанд бо (6 бозӣ) ва “Истиқлол”-и шаҳри Душанбе (5 бозӣ) 13 имтиёзӣ пешсафи лигаи олӣ мебошанд. Дар мавқеи сеюм тими “Хатлон” бо 10 хол ҷой гирифтааст.
Нишонзанҳои лигаи олӣ: Наврӯз Рустамов (“Хатлон”) – 5 тӯб, Шериддин Бобоев (“Истиқлол”), Ҷаҳонгир Эргашев (“Хуҷанд”) – 3-тӯб.
Бошгоҳи “Хуҷанд”-и шаҳри Хуҷанд дар майдони худ тими “Панҷшер”-и Ҷалолиддини Балхиро қабул намуда, бо ҳисоби бузург 4:0 шикаст дод.
Дар дақиқаи 19 Дилшод Бозоров ҳамлагари хуҷандиҳо голи нахустинро ба самар расонд. Қисми аввал бо голи задаи мизбонон хотима ёфт. Дар қисми дуюм соҳибони майдон бозиро пурра дар ихтиёри худ гирифта, дар дақиқаи 58 голи дуюмро вориди дарвозаи “Панҷшер” намуданд. Муаллифи гол Фарҳод Тоҳиров дониста шуд. Ду голи дигари “Хуҷанд”-ро Ҷаҳонгир Эргашов дар дақиқаҳои 73,77 ба номи худ сабт намуд.
Рақобати дигар дар Варзишгоҳи марказии шаҳри Ҳисор ҷараён гирифт. Навкорони лигаи олӣ, тими “Кӯктош”-и ноҳияи Рӯдакӣ меҳмони дастаи “Барқчӣ”-и шаҳри Ҳисор шуда, бозиро ба фоидаи худ бо ҳисоби 3:2 хотима доданд. Нодирбек Иброҳимов ҳамлагари “Кӯктош” дар дақиқаи 25 нахустин голи бозиро вориди дарвозаи Шоҳрух Қирғизбоев намуда, дастаашро пешсаф намуд. Пас аз 13 дақиқа аввалин голи бошгоҳи “Барқчӣ”-ро дар ин мавсим Саидмухтор Азимов зада, ҳисобро баробар намуд. Мизбонон ба ҳариф фишор оварда, дар дақиқаи 43 Абдулрасул Раҳмонов голи дуюмро ба самар расонд. Қисми аввал бо ҳисобӣ 1-2 хотима ёфт. Дар қисми дуюм футболбозони дастаи “Кӯктош” ду тӯби дигарро вориди дарвозаи “Барқчӣ” намуданд. Голҳоро Атҳамҷон Абдуллоев (50), Муҳаммадшарифи Саидхоҷа (70) ба номи худ сабт намуданд. Ёдовар мешавем, ин бохти панҷуми дастаи “Барқчӣ” ба шумор меравад.
Дидори марказии ин давр миёни тимҳои “Регар-ТадАЗ”-и шаҳри Турсунзода ва “Хатлон”-и шаҳри Бохтар баргузор гардид. Дар ин рақобат дастаи “Хатлон” дар шаҳри Турсунзода соҳибони майдонро бо ҳисоби 3:1 шикаст дод. Ҳамлагари “Хатлон” Наврӯз Рустамов, дар дақиқаи 17 ҳисобро боз намуд. Футболбозон бо ҳисобӣ 0-1 майдонро тарк карданд. Аз оғози қисми дуюм ҳимоятгари мизбонон Доробҷон Эргашов, ҳисобро баробар кард. Дар дақиқаи 80 бозингарони “Регар-ТадАЗ” қоидаи бозиро вайрон намуданд ва довари бозӣ Сайёдҷон Зайниддинов зарбаи 11-метра таъин кард. Ин фурсатро Далер Шомуродов ба хуби истифода намуда, ҳисобро афзун кард. Голи сеюми “Хатлон”-ро Кароматулло Саидов дар дақиқаи 89 ба ҳадаф расонд.
Як бозии дигари даври ҳафтуми мусобиқаи қаҳрамонии Тоҷикистон миёни дастаҳои Душанбе - “Истиқлол” ва ССКА “Помир” 9 май баргузор мешавад.
Дар ҳоли ҳозир дар ҷадвали мусобиқа дастаҳои “Хуҷанд”-и шаҳри Хуҷанд бо (6 бозӣ) ва “Истиқлол”-и шаҳри Душанбе (5 бозӣ) 13 имтиёзӣ пешсафи лигаи олӣ мебошанд. Дар мавқеи сеюм тими “Хатлон” бо 10 хол ҷой гирифтааст.
Нишонзанҳои лигаи олӣ: Наврӯз Рустамов (“Хатлон”) – 5 тӯб, Шериддин Бобоев (“Истиқлол”), Ҷаҳонгир Эргашев (“Хуҷанд”) – 3-тӯб.
Хабарҳои дигар
Рӯзнома
Эзоҳи худро нависед