ВАРЗИШ
Ҷумъа 20 Сентябр 2019 08:56
3592
Дар чемпионати Осиё аз рӯи намуди қаиқронӣ Шаҳриёр Даминов, варзишгари тоҷик зинаи дуюмро касб намуд.

Мусобиқаи мазкур дар шаҳри Шанхайи Ҷумҳурии мардумии Чин 15 октябр оғоз шуд.

Дар он варзишгарони 21 кишвар миёни ҳам рақобат доранд. Шаҳриёр Даминов дар сабқат миёни калонсолон аз намуди каноэи якнафара ба масофаи 1000 метр бо нишондоди 3 дақиқаю 57,758 сония мақоми дуюмро касб намуда, медали нуқраро ба гардан овехт.

Мақоми аввал бо натиҷаи 3 дақиқаю 57,386 сония насиби Вадим Минков аз Ӯзбекистон гардид. Зенҷ Пенҷ Фи аз Чин бо натиҷаи 3 дақиқаю 58,795 сония зинаи сеюумро касб намуд.

Ин нишондоди варзишгари тоҷик беҳтарин натиҷа дар давоми фаъолияти варзишиаш мебошад.

Мусобиқа дар ду гурӯҳ - миёни варзишгарони синашон то 18-сола ва аз 18-сола боло ҷараён дорад. Тоҷикистонро панҷ варзишгар таҳти раҳбарии раиси Федератсияи қаиқронии ҷумҳурӣ Файзулло Шарифов муаррифӣ мекунанд.
  
Ёдовар мешавем, ки Шаҳриёр Даминов дар мусобиқаи қаҳрамонии Осиё, ки 8 ноябри соли 2015 дар шаҳри Палембанги Индонезия баргузор гардида буд, дар каноэи якнафара миёни ҷавонон дар масофаи 200 метр мақоми аввалро касб карда буд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Сентябр 2019 c.