15- уми октябр размкори варзидаи тоҷик Муин Ғафуров дар қувваозмоии асосии мусобиқаи LFA 144, ки дар шаҳри Су- Фоллси Амрико дар Дакотаи Ҷанубӣ сурат гирифт бо Диего Силва аз Бразилия сабқат кард.

Рақобати ин ду размкор дар вазни сабуки 61,2 кг баргузор гашт. Муин аз дақиқаҳои аввали сабқат пешсафиро ихтиёр кард. Рақобат ҳамагӣ се раундро дар бар гирифт. Муин тавонист, ки Диего Силваро тариқи нокаути техникӣ шикаст диҳад ва қаҳрамони ин муксобиқа гардад.

Ӯ бо ба даст овардани камарбанди ташкилоти LFA роҳи худро барои дохил шудан ба UFC ҳамвор намуд. Қаҳрамонӣ дар LFA ба Муин имкон медиҳад, ки ба ташкилоти UFC гузарад.

Ёдовар мешавем, ки Нурулло Алиев ягона варзишгаре мебошад, ки айни замон аз Тоҷикистон бо ташкилоти UFC қарордод бастааст. Муин Ғафуров имкон дорад, то нафари навбатӣ аз кишвари мо бошад, ки ин қарордодро имзо мекунад.

Ҳошим РАҲМАТУЛЛОЕВ "ҶТ"