Бо иқдоми Бахши кор бо ҷавонон ва варзиши ноҳияи Мурғоб байни 12 дастаи мардона ва 11 тими занона мусобиқаи волейбол баргузор гашт.

Жанпулод Қамчибеков, мудири бахш гуфт, ки мусобиқа ба 21 - солагии Ваҳдати миллӣ бахшида шуда, дар он ҷавонони соли таваллуди 2001 - 2002 миёни ҳам рақобат карданд.

Аз рӯи натиҷаҳои ниҳоӣ аз байни дастаҳои занона ҷои якум насиби тими "Бердибаев" ва дастаҳои "Сомони - 2" - ю "Почта" бошад зинаҳои дуюму сеюмро ишғол карданд.
Дар миёни мардона ҷои якум "УПД", дуюму сеюмро "Бердибаев" ва "Баш Киштак" гирифтанд.

Ба ғолибон аз ҷониби бахш тӯҳфаҳои хотиравӣ тақдим гардид.