Дар ноҳияи Мастчоҳи вилояти Суғд бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бахшида ба таҷлили Рӯзи Артиши миллӣ мусобиқаҳои гуногуни варзишӣ миёни сарбозону афсарон ва ҷавонони синни даъватӣ доир карда шуд. 

Дар маросими ифтитоҳӣ сардори Раёсати кор бо ҷавонони Дастгоҳи марказии Кумита Раҳимзода Шоҳзод Абдулфаттоҳ иштирок ва суханронӣ намуда, зикр доштанд, ки дар заминаи дастгириҳои Сарфармондеҳи Қувваҳои Мусаллаҳи кишвар шароити буду бош ва хизмат дар сафи Қувваҳои Мусаллаҳи кишвар беҳтар гардида, имрӯзҳо шумораи зиёди ҷавонони тоҷик ихтиёран ба сафи Артиши миллӣ шомил мегарданд. Хизмат дар сафи Артиши миллӣ рисолати ҳар як ҷавони кишвар буда, мактаби бузури мардонагӣ, обу тоби бадан ва далерию шуҷоат мебошад.
 
Дар доираи баргузории мусобиқаҳои варзишӣ миёни сарбозону афсарон мусобиқаҳои шашка ва шоҳмот, волейбол, дастхобонӣ ва бандкашӣ доир карда шуда, дар охир ғолибон бо туҳфа ва сипосномаҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон сарфароз гардонида шуданд.