29 май бахши кор бо ҷавонон ва варзиши ноҳияи Исмоили Сомонии шаҳри Душанбе дар доираи нақшаи чорабиниҳои моҳвораи ҷавонон дар маҳаллаҳои Сари Осиё ва Заргар миёни сокинон, бахусус ҷавонону наврасони ин ду маҳалла мусобиқаҳои хурди варзишӣ аз қабили шашка, шоҳмот ва дастхобонӣ баргузор кард.

Дар ин чорабиниҳо ҳудуди сад ҷавон аз ҳисоби донишҷӯёни макотиби оливу толибилмони муассисаҳои таҳсилоти умумӣ иштирок доштанд. Чорабинӣ дар сатҳи баланд ҷараён гирифта, дар ҷамъбаст ба 18 нафар ҷавононе, ки аз рӯи навъҳои варзишии зикршуда, ғолиб ва ҷойҳои ифтихориро соҳиб шуда буданд, сипосномаву туҳфаҳои ташкилнамудаи масъулин супорида шуд.

Ёдовар мешавем, ки бахши кор бо ҷавонон ва варзиши ноҳияи Исмоили Сомонӣ нақша дорад, ки дар 22 маҳаллаи ин ноҳия аз рӯи навъҳои шашка, шоҳмот ва дастхобонӣ мусобиқаҳои хурди варзиширо доир намояд.