Бо мақсади рушди бозиҳои варзишӣ байни ҷавонону наврасони деҳ дар ҷамоати Тавдеми ноҳияи Роштқалъа байни 27 даста мусобиқаи волейбол доир гардид.

Чорабинӣ бо ташаббуси Бахши кор бо ҷавонон ва варзиши ноҳия гузаронида шуда, ба даври нимниҳоии он дастаҳои "Миденшарв" - "Тавдем" ва "Бароҷ" - "Сорҷ" роҳ ёфтанд. Дар даври ниҳоӣ "Бароҷ" дастаи "Тавдем"-ро дар ҳар се баст 25 -11, 25 -14, 25 -15 бо ҳисоби умумии 3 - 0 шикаст дода, сазовори ҷойи аввал ва ҷоми мусобиқа гашт. Зинаи сеюм бошад насиби "Сорҷ" шуд.

Беҳтарин бозингари мусобиқа Эргаш Келдиев интихоб гардид.

Зуҳро Муллоҳукматова, мудири Бахши кор бо ҷавонон ва варзиши ноҳия қайд кард, ки феълан ду мусобиқаи дигари сатҳи ноҳиявӣ оид ба футбол миёни ҷавонону наврасон ҷараён дорад.