Бахшида ба “Соли ҷавонон” ва Рӯзи ғалаба дар Ҷанги Бузурги Ватанӣ дар водии Поршиневи ноҳияи Шуғнон байни хонандагони мактабҳои таҳсилоти ҳамагонии ноҳия мусобиқаи ҳарбӣ - варзишӣ баргузор гардид.
  
Дар ин бора Аҳмадулло Мамадбунаев, мудири Бахши ҷавонон, варзиш ва сайёҳии ноҳия хабар дода гуфт, ки чорабинӣ бо ибтикори Бахш ва "Бошгоҳи варзиши-техники" - и ВМКБ ташкил шуда, дар он хонандаҳои синфҳои 10 ва 11 – и мактабҳои ноҳия ширкат намуда, аз намуди омодагии машқҳои ҳарбӣ- сафороӣ, тақсим ва ҷо ба ҷо намудани қисмҳои яроқи оташфишон, пӯшидани ниқоби зидди газ, ҷаҳидан ба дарозӣ ва давидан ба масофаи 100 метр, миёни ҳам қувваозмоӣ карданд.

Мувофиқи тавзеҳоти А. Мамадбунаев ҳадаф аз доир кардани мусобиқа ин пеш аз ҳама баланд бардоштани ҳисси меҳанпарастии ҷавонону наврасон, пурзӯр намудани корҳои ҳарбию ватандӯстӣ, ҳамзамон аз худ намудани барномаи омодагии ибтидоии ҳарбист.

Дар мусобиқа аз рӯи ҳамаи намудҳо натиҷаҳои беҳтаринро хонандагони мактабҳои рақами 11, 12 ва 13 - и ноҳия нишон дода, аз тарафи "Бошгохи варзиши-техники" ва Бахши ҷавонон, варзиш ва сайёҳи ноҳия бо ифтихорнома ва мукофоти пулӣ қадрдонӣ гардиданд.

Машҳур ИМОМНАЗАРОВ, “ҶТ”