Дар майдончаи варзишии хоҷагии Сомониëни ҷамоати деҳоти Мастчоҳи ноҳияи Мастчоҳ мусобиқаи ноҳиявӣ оид ба футбол миёни 21 даста баргузор гардид.

Мусобиқаи мазкур дар доираи сиëсати варзишпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон гузаронида шуда, дар охир дастаи Сомониëни ҷамоати деҳоти Мастчоҳ бар дастаи хоҷагии Фирдавсии ҷамоати деҳоти Оббурдон бо ҳисоби 3:1 дастболо шуда, соҳиби ҷойи аввал гардид.

Дар интиҳои чорабинӣ ба ғолибон ифтихорнома, медал, туҳфаҳои пулӣ ва ҷоми мусобиқа тақдим карда шуд.