Бо мақсади рушди намуди варзиши сабук ва ҷалби васеи омма, алалхусус наврасону ҷавонон ба ин намуди варзиш мусобиқаи кушоди интихобии шаҳри Хуҷанд оид ба варзиши сабук миёни наврасон, ҷавонон ва калонсолон доир гардид.

Дар мусобиқаи мазкур 40 нафар варзишгарон иштирок намуданд. Мусобиқа байни мардон аз рўи барномаҳои давидан ба масофаи 60, 200, 400, 800 ва 1500 метр, ҳаво додани диск (2кг), партофтани найза (800г) ва ҷаҳидан ба дарозӣ , миёни занҳо бошад, аз рўи барномаҳои давидан ба масофаи 60, 200, 400, 800 ва 1500 метр, ҳаво додани диск (1кг), партофтани найза (600г) ва ҷаҳидан ба дарозӣ гузаронида шуд.

Дар натиҷа пас аз қувваозмоиҳо 16 нафар сазовори ҷои якум, 16 нафар сазовори ҷои дуюм ва 16 нафар сазовори ҷои сеюм гардида, қадрдонӣ шуданд.