Чанде пеш дар ноҳияи Абдураҳмони Ҷомӣ бахшида ба “Соли ҷавонон” мусобиқаи вилоятӣ аз рӯи намуди  гӯштини ҷудо байни наврасони солҳои таваллудашон ‎2003-2005 доир гардид.

Дар ифтитоҳи мусобиқа Абдулмаҷид Хоҷаев, мудири бахши кор бо ҷавонон ва варзиши ноҳия варзишгаронро ба "Соли ҷавонон" табрик намуда, иброз дошт: “Ҳадафи асосии баргузори мусобиқа таҳкими дӯстиву рафоқат миёни наврасону ҷавонон ва интихобӣ беҳтарин варзишгарон барои шомил намудан ба дастаи яккачини ноҳия мебошад”.

Дар мусобиқа зиёда аз 100 нафар дар 8 вазн миёни ҳам рақобат намуда, ғолибон бо нишону ифтихорнома ва туҳфаҳои таҳиянамудаи бахши кор бо ҷавонон ва варзиши ноҳия қадрдонӣ шуданд.

Умед МИРЗОЕВ, “ҶТ”