Шоми 31-уми октябр дар Варзишгоҳи марказии шаҳри Ҳисор тими мунтахаби ҷавонони Тоҷикистон (U-19) оид ба футбол дар доираи бозиҳои интихобии Ҷоми Осиё-2018 дар гурӯҳи “В” дидори аввалинашро бо дастаи якачини Бангладеш бо ҳисоби 0:0 анҷом дод.

Бозии дигари ин гурӯҳ миёни тимҳои Молдив – Шри-Ланка бо натиҷаи 2-2 ба поён расид.

Дастпарварони Мубин Эргашев 4-уми ноябр бо мунтахаби Шри-Ланка, 6-уми ноябр бо тими Молдив ва 8-уми ноябр бо дастаи Ӯзбакистон вориди сабқат мегарданд.

Ёдовар мешавем, ки бозиҳои марҳилаи финалии чемпионати Осиё-2018 миёни ҷавонони то 19-сола дар Малайзия гузаронида мешавад. Роҳхати бозиҳои ниҳоиро ғолибони 10 гурӯҳи интихобие, ки дар онҳо 5-дастагӣ шомиланд ва 5 дастаи мақоми дуюме, ки натиҷаи беҳтар нишон додаанд ба даст меорад.