Бо ҷалби зиёда аз 70 нафар ҷавонону наврасон дар ҷамоати Тусёни ноҳияи Роштқалъа зери унвони “Варзиш зиддӣ ҷинояткорӣ” намоиши каратэ -киокушинкай доир гардид.

Масъулин ҳадаф аз баргузории чорабиниро тақвият бахшидани ҳаёти солим, пешгирии ҳаргуна ҷинояткорӣ миёни ҷавонону наврасон, касалиҳои гузаранда, аз қабили ВНМО, ВИЧ/СПИД ва ғайра арзёбӣ намуданд.

Зуҳро Муллоҳукматова, мудири Бахши кор бо ҷавонон ва варзиши ноҳия гуфт, ки чорабинии варзишӣ бо ибтикори Бахшу Мактаби варзишии Роштқалъа ташкил гардида, дар он асосан наврасони МТМУ № 12 – и ноҳия маҳорати варзишии хешро нишон додаанд.