Рӯзҳои 3 ва 4-уми декабр дар шаҳри Токиои Ҷопон мусобиқаи байналмилалии “Grand Slam Tokyo 2022” баргузор мешавад.

Дар ин бора сомонаи расмии телевизиони “Варзиш” иттилоъ додааст.

Тибқи иттилои манбаъ рақобатҳо аз рӯи 14 вазн (7 вазн миёни мардон ва 7 вазн миёни занон) байни 346 ҷудокор аз 59 кишвари ҷаҳон доир мешавад.

Тоҷикистонро дар мусобиқаи мазкур 3 ҷудокор - Эмомалӣ Нуралӣ, Мухаммадраҳим Сарахонов ва Сомон Маҳмадбеков намояндагӣ мекунад.

Эмомалии Нуралӣ миёни 33-варзишгари ширкаткунанда дар вазни (-66кг) дар ҷойи 7-ум ҷойгир шудааст.

Муҳаммадраҳим Сарахонов дар вазни -73кг дар байни 34-ширкаткунанда мақоми 21-умро ишғол намудааст.

Сомон Маҳмадбеков дар вазни -81кг миёни 43 иштирокчӣ дар ҷои 19-ум қарор дорад.

Ёдовар мешавем, ки фонди ҷоизаи мусобиқа 154-миллион евроро ташкил медиҳад. Ғолибони ҳамаи вазнҳо 5000, барандагони медалҳои нуқра 3000 ва барандагони медалҳои биринҷӣ 1500 евро ба даст меоранд.

Ҷудокороне, ки дар мусобиқаи мазкур зинаҳои фахриро касб мекунанд, соҳиби имтиёзҳои олимпӣ - нишони тилло1000 имтиёз, нишони нуқра 700 имтиёз ва нишони биринҷӣ 500 имтиёз, инчунин онҳое, ки ҷойҳои 5-ум ва 7-умро касб мекунанд, мутаносибан соҳиби 360 ва 260 имтиёз мегарданд.

Ҳошим РАҲМАТУЛЛОЕВ, “ҶТ”