Дар маҷмааи варзишии шаҳри Хоруғ ба ифтихори “Солҳои рушди деҳот, сайёҳӣ ва ҳунарҳои мардумӣ” мусобиқаи ҷумҳуриявӣ оид ба волейбол миёни ҷавонони соли таваллуди 1997 то поён оғоз ёфт.

Дар маросими кушодашавии чорабинии варзишӣ муовини якуми раиси ВМКБ Алишер Мирзонаботов, раиси шаҳри Хоруғ Кишвар Шамирӣ, муовини аввали раиси Кумитаи кор бо ҷавонон ва варзиши назди ҳукумати кишвар Ризо Назарзода ва Назира Амирбекзода, ҷонишини раиси вилоят иштирок намуданд.

Мавриди зикр аст, ки мусобиқа байни шаш даста: Душанбе - 1, Душанбе - 2, Хатлон - 1, Хатлон - 2, НТМ ва ВМКБ оғоз гашта, то 1 июли соли ҷорӣ давом мекунад.
Ғолибонро ҷом, медал, ифтихорнома ва дигар туҳфаҳо интизоранд.