ВАРЗИШ
Шанбе 20 Апрел 2024 06:29
10011
Петр Сегрт, мутахассиси хорватӣ ба далели ба охир расидани муҳлати шартномааш вазифаи сармураббии тими миллии Тоҷикистонро тарк мекунад.

Дар ин бора сомонаи расмии Федератсияи футболи Тоҷикистон хабар дод.

Дар идомаи хабар гуфта мешавад, ки роҳбарияти ФФТ ба Петр Сегрт барои фаъолияти босамараш изҳори ташаккур кардааст.

- Федератсияи футболи Тоҷикистон ба Петр Сегрт барои кори дусолаи муштаракаш изҳори сипос намуда, ба ӯ дар фаъолияти минбаъда комёбиҳо таманно мекунад- омадааст дар хабар.

Ёдовар мешавем, ки мунтахабаи Тоҷикистон зери роҳбарии ин мутахассиси хорватӣ муддати ду сол ҳунарнамоӣ карда, яке аз беҳтарин дастовардҳо дар ин давра то бар марҳилаи чорякниҳоӣ рафтани тими мунтахаби Тоҷикистон дар Ҷоми Осиё-2023 ба ҳисоб меравад.

Мунтахаби Тоҷикистон таҳти роҳбарии Петр Сегрт ҳамагӣ 24 бозӣ анҷом дода, аз ин шумора 11 маротиба ғалаба, 7 бор мусовӣ ва 6 маротиба дучори шикаст шудааст. Ҳамчунин шогирдони Петр Сегрт дастаи барандаи ду мусобиқаи байналмилалӣ гардиданд. Соли 2022 дар мусобиқаи “King’s Cup-2022” дар Таиланд ва соли 2023 дар «”Ҷоми Мердека” дар Малайзия тими мунтахаб ғолиб омадааст.

То ҳануз маълум нест, ки сармураббии нави тими миллии Тоҷикистон кӣ хоҳад буд. Федератсия қайд кардааст, ки номи сармураббии навро рӯзҳои наздик эълон хоҳад шуд.

Ҳошим РАҲМАТУЛЛОЕВ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.