Футболбозони ҷавони кишвар дар даври дуюми бозиҳои гурӯҳии чемпионати Осиё-2016, ки дар Баҳрайн идома дорад, дар гурӯҳи "D" бар тими ҷавонони Чин бо ҳисоби 2:0 ғалаба кард.

Ҳисобро дар дақиқаи 3-юми бозӣ Эҳсони Панҷашнбе кушод. Голи дуюмро дар дақиқаи 65 Нуриддин Ҳамроқулов зад.

Бозии дигари гурӯҳ миёни дастаҳои Австралия - Узбекистон соати 21:30 оғоз мегардад.

Ёдовар мешавем, ки тими ҷавонони кишвар таҳти роҳбарии сармураббӣ Виталий Левченко дар даври аввал аз тими ҷавонони Узбекистон бо ҳисоби 1:2 шикаст хурда буд.