Бахшида ба Рӯзи пойтахт – 15 апрел, бо ташаббуси Кумитаи ҷавонон, варзиш ва сайёҳӣ ва мақомоти иҷроияи ҳокимияти давлатии шаҳри Душанбе дар ҳамкорӣ бо Федератсияи футболи Тоҷикистон силсила чорабиниҳои фарҳангиву фароғатӣ, маърифатӣ, оммавию варзишӣ ва солимгардонӣ доир карда мешавад.

Шурӯъ аз 8 то 15 апрели соли равон чорабиниҳои варзишӣ аз ҷумла Чемпионатҳои Ҷумҳурии Тоҷикистон оид ба карате – до, гӯштини миллӣ, машқҳои оммавӣ – варзишӣ ва солимгардонии пагоҳирӯзӣ, вохӯриҳои рафиқона дар толор ва майдончаҳои варзишӣ, новбаста аз шакли моликияташон аз намудҳои футбол, волейбол, баскетбол, шоҳмот ва шашка, велосипедронӣ, бокс, таэкван – до, карате – до, бадминтон, роликбозӣ ва ғайра баргузор карда мешавад.

Инчунин 15 апрел дар Боғи Ирами пойтахт озмуни мусаввирони ҷавон таҳти унвони “Пойтахт хонаи умеди тоҷикон”, мусобиқаи оммавӣ – варзишии шоҳмот ва шашка, барномаи фарҳангӣ ва намоиши маҳсулотҳои дастӣ  ва озмуни оммавии кӯдакон “Расм дар рӯи мумфарш” баргузор мегардад.

Аксияи умумишаҳрии ҷавонон таҳти унвони “Пойтахт хонаи умеди тоҷикон” дар боғу гулгаштҳо ва ҷойҳои фарҳангӣ – фароғатии пойтахт ба нақша гирифта шудааст.

Қайд кардан ба маврид аст, ки давоми рӯзи 15 апрел дар гулгашту хиёбонҳо ва боғҳои фарҳангӣ – фароғатии шаҳр барои болидахотирии сокинон ва меҳмонони шаҳри Душанбе навозиши гурӯҳҳои ҷавонон бо асбобҳои гуногуни мусиқӣ доир мегардад.