ВАРЗИШ
Якшанбе 21 Апрел 2024 08:33
9911
Президенти Федератсияи футболи Тоҷикистон муҳтарам Рустами Эмомалӣ , ки барои дастгирӣ ва мухлисии дастаи мунтахаби кишвар ба шаҳри Давҳаи Давлати Қатар рафта буд, пас аз бозӣ бо бозингарон, мураббиён ва ҳайати маъмурии тими миллии Тоҷикистон вохӯрда, барои ҳунарнамоии шоён дар Ҷоми Осиё-2023 ба онҳо изҳори сипос кард.

Тавре телеграмканали расмии президенти ФФТ иттилоъ медиҳад, Рустами Эмомалӣ дар вохӯрӣ бо варзишгарон аз бозии онҳо изҳори қаноатмандӣ карда, аз эшон даъват кардааст, ки руҳафтода набошанд, чунки ҳаёт, зиндагӣ ва варзиш ҳам мубориза аст, ҳам бурд дорад, ҳам бохт:

“Ин аввалин бор аст, дар таърихи футболи тоҷик ба чунин сатҳ баромадем. Шумо аллакай саҳифаҳои таърихи футболи тоҷикро тағйир додед. Боварӣ дорам, ки дар оянда аз ин хубтару беҳтар мешавад. Руҳафтода нашавед. Тамоми Тоҷикистон бо шумо фахр мекунад. Ташаккур ба шумо барои ҳунарнамоии арзанда! Шумо ҳамаи корро кардед. Имрӯз бахт ба мо нахандид. Аммо шумо то сонияҳои охир мубориза бурдед. Барои ҳамааш ташаккур” - гуфт пас президенти ФФТ.

Ёдовар мешавем, ки дар даври чорякниҳоии Ҷоми Осиё-2023 тими миллии Тоҷикистон дар як рақобати шадид муқобили яккачини Урдун баромади хуб намуда, лаҳзаҳои зиёди голзанӣ созмон дод, вале бозӣ бо ҳисоби 0:1 ба суди дастаи Урдун хотима ёфт.

Бояд гуфт, ки аз рӯи натиҷагирии Ҷоми Осиё-2023 мунтахаби Тоҷикистон ба ҳаштгонаи беҳтарини мусобиқот шомил гардид.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.