Размикори 29-солаи тоҷик Муҳаммад Наимов (11-2) рӯзи 22 июн дар мусобиқаи UFC on ABC 6 дар Риёзи Арабистони Саудӣ мебоист бо Мелсик Багдасаряни амрикоӣ (8-2) қувваозмоӣ намояд, аммо бо иллати ҷароҳат бардоштан Багдасарян аз рақобат даст кашид ва ташкилоти UFC барои Наимов рақиби дигар пайдо кард.

Акнун рақиби ҷадиди Наимов Фелипе Лимаи бразилӣ аст, ки дар ММА 13 рақобат дошта, 12 рақобатро бо пирӯзӣ ва 1 маротиба мувоҷеҳи шикаст гардидааст. Аз ин бар меояд, ки Лама аз Багдасарян дида хавфноктар мебошад.

Наимов то кунун дар ташкилоти UFC се қувваозмоӣ гузаронида, дар ҳамааш пирӯз шудааст. Дар набарди охиринаш ӯ Эрик Силваро (9-3) дар раунди аввал бо нокаути техникӣ шикаст дод - Силва аз пояш осеб дид. Мубориза рӯзи 24 феврал дар мусобиқаи UFC Fight Night 237 дар шаҳри Мехикои Мексика баргузор гардида буд.

Яҳё МАҲМАДНАБИЕВ, “ҶТ”