ВАРЗИШ
Шанбе 20 Апрел 2024 05:14
10057
Федератсияи футболи Арабистони Саудӣ ҳуҷумкори бошгоҳи “Ал-Наср”- Киштиану Роналдуро барои амали ношоистааш дар рақобат бо “Ал-Шабоб” муҷозот кард.

Акнун футболбози португалӣ аз ҳаққи иштирок дар 1 бозӣ маҳрум гардида, инчунин ба андозаи 20 ҳазор доллар ҷарима месупорад.

Чигунае, ки қаблан хабар дода будем, масъулони бошгоҳи “Ал-Шабоб”-и Арабистони Саудӣ чанд рӯз қабл аз болои ҳамлагари тими “Ал-Наср”- Криштиану Роналду барои рафтори номуносибаш бо ҳаводорони ин тим ба Федератсияи байналмилалии футбол (FIFA) шикоят бурда буд.

Роналду дар бозии даври 21-уми чемпионати Арабистони Саудӣ муқобили тими “Ал-Шабоб” ба задани як гол даст ёфт ва онҷо тими шаҳри Риёз бо ҳисоби 3 бар 2 пирӯзӣ ба даст овард. Он ҷо пас аз садои мухлисони ин даста, ки Месси, Месси гуфта ҷониби Роналду садо мекарданд дар ниҳоят ӯро ба ғазаб овард ва ҳамлагари португалӣ амалӣ ғайриахлоқиеро ҷониби онҳо анҷом дод.

Роналду дар рӯзҳои охир дар бештари бозиҳо вокунишҳое ба ҳаводорони ҳариф дорад. Чанде қабл низ ин иттифоқ рух додаву арабистониҳо хоҳони бархӯрди ҷиддӣ бо Роналду шуда буданд. Дар финали Ҷоми Риёз муқобили “Ал-Ҳилол” ҳам Роналду чунин амалеро ба ҳамин ҳолат монанд анҷом дода буд.

Ҳоло ҳам сару садоҳое ҳастанд, ки Криштиану дар ду бозии оянда ба “Ал-Наср” дар Чемпионати Арабистони Саудӣ кӯмак карда наметавонад.

Яҳё МАҲМАДНАБИЕВ, “ҶТ”

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Апрел 2024 c.