Ба истиқболи 26–умин солгарди Рӯзи Истиқлолияти давлатии кишвар дар ноҳияи Роштқалъа миёни 14 даста аз ҳисоби ҷавонон мусобиқаи футбол баргузор гардид.

Ба иттилои Зӯҳро Муллоҳукматова, мудири Бахши кор бо ҷавонон ва варзиши ноҳия, дар даври ниҳоии мусобиқа 2 650 нафар мухлисони футбол аз ҳисоби ҷавонону наврасон ширкат варзиданд.

Дар бозии нимниҳоӣ дастаҳои “Роштқалъа” ба “Риҷист” бо ҳисоби 7:3 ва “Тусиён” ба тими “Роштқалъа – 2” бо ҳисоби 5:4 ғолиб омаданд.

Дар даври ниҳоӣ бошад дастаи “Роштқалъа” бо “Тусиён” рақобат карда, дастаи рақибро бо ҳисоби 1:0 шикаст дод.

Ғолибони даста ва нӯҳ бозингари беҳтарин аз ҷониби Бахши кор бо ҷавонон ва варзиши ноҳия бо ифтихорнома ва мукофоти пулӣ қадрдонӣ шуданд.

Машҳур ИМОМНАЗАРОВ, “ҶТ”