Дар доираи нақшаи чорабиниҳои варзишии "деҳа ба деҳа" - и Кумтаи кор бо ҷавонон ва варзиши назди Ҳукумати Ҷумҳурии Тоҷикистон дар ҷамоати Қурбоншо Гадолиеви ноҳияи Роштқалъа байни ҳашт тими наврасону ҷавонон мусобиқаи футбол баргузор гашт.

Чорабинӣ бо иқдоми Бахши кор бо ҷавонон ва варзиши ноҳия баҳри ба даст овардани Ҷоми Тавдем гузашта,  ғолибон бо медалу ифтихорнома мушарраф шуданд.

Аз рӯи натиҷаҳои даври ниҳоӣ тими "МТМУ № 10" зинаи аввалу ҷомро соҳиб гашта, дастаҳои "Даштак" ва "Таговчид" бошад ҷойҳои дуюму сеюмро ишғол намуданд.

Ба иттилои масъулини бахш дигар чорабиниҳои варзишӣ - солимгардонӣ дар ноҳия мувофиқи нақша идома доранд.