Аз 1 то 12 ноябр дар шаҳри Аммони кишвари Урдун Чемпионати Осиё оид ба бокс миёни мардон ва бонувон баргузор мегардад.

Дар мусобиқаи мазкур муштзанон аз 30 кишвари қора ширкат меварзанд. Ба иттилои Комрон Файзов, котиби генералии Федератсияи бокси Тоҷикистон кишвари моро дар Чемпионати Осиё 8 варзишгар – 5 мард, 3 зан намояндагӣ мекунанд:

Бонувон:
1.Руҳафзо Ҳақназарова (-50кг)
2.Миҷгона Самадова (-57кг)
3.Шоира Зулқайнарова (-60кг)

Мардҳо:
1.Хусравхон Раҳимов (-57кг)
2.Баҳодур Усмонов (-63,5кг)
3.Шаббос Негматуллоев (-80кг)
4.Наврӯз Ҷафоев (-86кг)
5.Муҳаммад Аброриддинов (+92кг)

Ёдовар мешавем, ки тибқи барномарезии мусобиқа сабқатҳо дар даврҳои муқаддамотӣ ва чаҳорякниҳоӣ рӯзҳои 1-7 ноябр, нимфинал 9-10 ва финал 11-12 ноябр ба нақша гирифта шудааст.

Қайд кардан бамаврид аст, ки муштзанони кишвари мо дар солҳои соҳибистиқлолӣ аз чемпионатҳои Осиё 20 медал – 4 тилло, 3 нуқра ва 13 биринҷӣ ба даст овардаанд.