Бахшида ба 25-солагии таъсисёбии Қувваҳои Мусаллаҳи Ҷумҳурии Тоҷикистон бо ибтикори Раёсати кор бо ҷавонон ва варзиши вилояти Суғд бо мақсади баланд бардоштани ҳисси ватандӯстӣ, тарбияи ахлоқӣ ва маънавии ҷавонон, тайёр намудани ҷавонон ба сафи Қувваҳои Мусаллаҳи кишвар, тарғибу ташвиқи тарзи ҳаёти солим, оммавӣ гардонидани варзиш ва ҷалби наврасону ҷавонон, алалхусус сарбозону аскарон ба варзиш дар ҳудуди вилоят беш аз 92 мусобиқаҳои оммавӣ – варзишӣ ва солимгардонӣ баргузор гардид.

Мусобиқаҳо аз рӯи намудҳои варзиши футбол, футболи хурд, баскетбол, волейбол, гӯштини самбо, дзюдо, тарзи озод, юнонӣ - румӣ, камарбандӣ, каратэ-до, таэквандо, қаиқронӣ, варзиши сабук, дучархаронӣ, вазнбардорӣ, бадминтон, камонварӣ, теннис, тенниси рӯи миз, шоҳмот ва шашка дар иншоотҳои варзишии шаҳру ноҳияҳо бо ҷалби беш аз 8250 нафар наврасон, ҷавонон ва аскарону сарбозон (1535 нафар духтарон) ташкил ва гузаронида шуда, ба ғолибон аз ҷониби Раёсат, бахшҳои кор бо ҷавонон ва варзиш, Комиссариати ҳарбии шаҳру ноҳияҳо медалу диплом ва туҳфаҳои хотиравӣ супорида шуд.