Дастаи “Сомон”-и Данғара ғолиби чемпионати мамлакат оид ба футбол байни дастаҳои лигаи дуюм дар минтақаи Хатлон гардид. Дар мавсими соли оянда футболбозони “Сомон” дар лигаи аввал бозӣ хоҳанд кард.

Бозиҳои чемпионати Тоҷикистон миёни дастаҳои лигаи дуюм дар минтақаи Хатлон ҳафтаи гузашта ба анҷом расид. Дар мусобиқа, ки моҳи май шуруъ шуда буд, 7 даста – “Сомон” (Данғара), “Дӯстӣ” (Ҷайҳун), “Арал” (Абдураҳмони Ҷомӣ), “Вахши зарнисор” (Вахш), “Хуросон” (Хуросон), “Сарҳадчӣ” (Сарҳадчӣ) ва “Парвин-2” (Бохтар) иштирок карданд.

Дастаҳо дар ду марҳила 12-бозигӣ анҷом доданд. “Сомон” ғолиби мусобиқа гардид. Дастаи Данғара дар дувоздаҳ бозӣ 8 ғалаба кард, се бозиро мусовӣ анҷом дод ва як бозиро бохт. “Сомон” аз 36 холи имконпазир 27 хол ба даст овард.

Медалҳои нуқра насиби футболбозони дастаи “Дӯстӣ”-и Ҷайҳун ва медалҳои биринҷӣ насиби тими “Арал”-и ноҳияи А. Ҷомӣ гардид.

Бахтовар Наҷмиддинов (“Сомон”) ва Самариддин Умаров (“Вахши зарнисор”) бо 13-голӣ беҳтарин нишонзани мусобиқа шуданд.