Дар меҳмонхонаи Эҳсони шаҳри Хуҷанд маросими ҷамъбасти мусобиқаи вилоятӣ оид ба намуди шашка ва шоҳмот байни наврасону ҷавонон ва бонувон доир гардид.

Мусобиқаи вилоятӣ оид ба намуди шашка ва шоҳмот байни наврасону ҷавонон ва бонувон бахшида ба 27-солагии Истиқлолияти давлатии Ҷумҳурии Тоҷикистон гузаронида шуда, ҳадаф аз он оммавигардонии варзиш, ташвиқу тарғиби тарзи ҳаëти солим, ҷалби наврасону ҷавонон ва бонувон ба варзиши намуди шашка ва шоҳмот мебошад.

Дар мусобиқаи мазкур беш аз 30 варзишгар аз дастаҳои шаҳру ноҳияҳои Хуҷанд, Исфара, Б.Ғафуров, Конибодом, Шаҳристон, Мастчоҳ ва Ҷ.Расулов иштирок намуда, байни ҳам қувваозмоӣ намуданд.

Пас аз қувваозмоиҳо ғолибон муайян гардида, дар фарҷоми мусобиқа бо медалу диплом ва туҳфаҳои хотиравӣ қадрдонӣ шуданд.
Ғолибони мусобиқаи мазкур

Аз рӯи намуди шашка байни мардон:
1.Алиев Ғафур - шаҳри Хуҷанд
2.Ҳайдаров Асрор - шаҳри Истаравшан
3.Атовуллоев Абдулло - шаҳри Хуҷанд
Аз рӯи намуди шоҳмот байни мардон:
1.Эркабоев Амроқул - ноҳияи Мастчоҳ
2.Эшматов - шаҳри Конибодом
3.Сатторов Абдуҳамид - шаҳри Хуҷанд
Аз рӯи намуди шашка байни бонувон:
1.Салимова Ш. - шаҳри Хуҷанд
2.Абдуғаниева Дилфуза - шаҳри Хуҷанд
3.Ҳасанова Моҳӣ - шаҳри Хуҷанд