Имрӯз, 10 август дар Варзишгоҳи марказии ҷумҳуриявӣ бахшида ба таҷлили “Рӯзи варзишгарон” чорабинии оммавӣ–варзишӣ доир гардид.

Дар он зиёда аз 1000 варзишгар аз риштаҳои гуногун ширкат намуданд.

Зимни суханронӣ Аҳтам Абдуллозода, раиси Кумитаи ҷавонон, варзиш ва сайёҳӣ ҳамаи иштирокчиёнро бо “Рӯзи варзишгарон” табрик гуфта, ба варзишгароне, ки дар Бозиҳои ХХХI тобистонаи олимпӣ шарафу номуси варзиши кишварро ҳифз намуда истодаанд, музафариятҳо таманно намуд.

Ҷорабинии мазкур бо ташаббуси Кумитаи ҷавонон, варзиш ва сайёҳӣ назди Ҳукумати ҷумҳурӣ дар ҳамкорӣ бо Федератсияи футболи кишвар доир гардид.

Дар рафти чорабинӣ аз ҷониби тарбиятгирандагони Донишкадаи давлатии тарбияи ҷисмонӣ ба номи С.Раҳимов, Коллеҷи тарбияи ҷисмонӣ ва мактабҳои варзишии назди Кумита машқҳои варзишӣ пешкаши ҳозирин гардонида шуд.



Шаҳбоз КАРИМОВ, "ҶТ"