ВАРЗИШ
Шанбе 25 Май 2024 04:21
2278
Тими мунтахаби ҷавонони кишвар (U-18) бозиҳояшро дар мусобиқаи байналмилалии футбол ба хотираи аввалин ноиби президенти Федератсияи байналмилалии футбол Валентин Гранаткин бо ғалаба бар тими ҷавонони Ҳиндустон (1:0) барои ҷои 15-ум ба анҷом расонд.

Голи ягонаро дар ин дидор нимҳимоятгари тими “Вахш” Умарҷон Шарифов зад. Мунтахаби ҷавонони мо 10 нафар бозӣ карданд. Дар дақиқаи 59 сардори даста Эҳсони Панҷшанбе корти сурх гирифт.

Ҳамин тариқ тими мунтахаби ҷавонони Тоҷикистон дар мусобиқа ба хотираи Гранаткин шаш бозӣ анҷом дод. Дар даври гурӯҳӣ шогирдони Виталий Левченко бар тими Юнон ғалаба карда (1:0), аз дастаи Булғористон шикаст хурданд (0:1) ва бозиро бо тими ҷавонони Эстония мусовӣ анҷом доданд (1:1). Дар бозиҳо барои ҷойҳои 9-16-ум футболбозони ҷавони кишвар ду маротиба дар задани силсилаи зарбаҳои ёздаҳметра бозиро бохтанд: аввал Белорус (6:7), баъдан Литва (4:5). Дар натиҷа тими ҷавонони кишвар ҷои 15-умро гирифт.  

Дастаи ҷавонони Руссия дар финал тими Қазоқистонро бо ҳисоби 1:0 шикаст дода, ҷои аввалро сазовор шуд. Тими Санкт-Петербург бар дастаи Юнон ғалаба карда (4:2), ҷои сеюмро ба даст овард.

Эзоҳи худро нависед



Рамзҳо дар расм