Аз 22 то 24 март тими ҷудои Тоҷикистон бо ҳайати 9 нафараи худ дар мусобиқаи “Tbilisi Grand Slam-2024” иштирок хоҳанд кард.

Дар ин бора Федератсияи ҷудои Тоҷикистон иттилоъ дод.

Мувофиқи иттилои манбаъ мусобиқаи мазкур бо иштироки 428 ҷудокор аз 75 кишвари ҷаҳон баргузор мегардад. Ба ҳайати тими мунтахаби кишвар варзишгарони зерин шомиланд:

Аҳлия Муъминова -52кг
Муҳаммадсолеҳ Қувватов -60кг
Ҳақдод Гулов -60кг
Обид Ҷебов -66кг
Абубакр Шеров -73кг
Сомон Маҳмадбеков -81кг
Комроншоҳи Устопириён -90кг
Ҷаҳонгир Маҷидов -100кг
Абубакри Акобир -100кг

Қайд кардан ба маврид аст, ки аз 4-ум то 8-уми март дар шаҳри Тошканд Федератсияи ҷудои Тоҷикистон бо дастирии Исмоил Махмадзоир, президенти Федератсия дар ҳамкорӣ бо Федератсияи ҷудои Узбекистон ҷамъомади машқи-таълимиро баҳри омодагӣ ба TBILISI GRAND SLAM 2024 ва ANTALYA GRAND SLAM 2024 бо иштироки дастаҳои мунтахаби ҷудои тақрибан 20 кишвар баргузор карда буд. Аз ҳайати тими мо 50 нафар ҷудокор дар ин ҷамъомад иштирок карда буданд.