Дар толори варзишии Мактаб - интернати ҷумҳуриявии ноҳияи Рӯшон ба ифтихори 74 - солагии Рӯзи ғалаба байни ҳашт дастаи наврасони ҷамоатҳои ноҳия мусобиқаи баскетбол гузаронида шуд.

Ин ташаббуси Бахши кор бо ҷавонон ва варзиши ноҳия бо мақсади оммавигардонии варзиш, ташвиқу тарғиби тарзи ҳаёти солим, мустаҳкам намудани дӯстиву ваҳдат байни наврасону ҷавонон ва ба ин васила баланд бардоштани маҳорати варзишии варзишгарону муайян намудани дастаи мунтахаби Рӯшон рӯи кор омад.

Аз рӯи натиҷаҳои даври охир дастаи “Вамар” сазовори ҷойи якум ва дастаҳои “Барӯшон” - у “Дерзуд” ҷойҳои дуюм ва сеюмро соҳиб шуданд.

Ғолибонро Қаландар Давлатмамадов, мудири бахш бо ифтихорномаву мукофотпулӣ қадрдонӣ намуд.