Баҳри дарёфти ҷоми раиси ҷамоати деҳоти Маҳмадулло Абдуллоев дар ноҳияи Ванҷ байни 10 дастаи идораву муассисаҳои маҳаллӣ мусобиқаи кушоди ноҳиявӣ оид ба волейбол баргузор гардид.

Мусобиқа ба ифтихори Рӯзи Ваҳдати миллӣ доир шуда, ғолибони он бо медал, ифтихорнома, ҷом ва мукофотпулӣ мушарраф шуданд.

Ҳамин тавр, дар даври охир тими Бахши кор бо ҷавонон ва варзиши ноҳия сазовори зинаи аввалу соҳиби ҷом гашта, дастаҳои Шуъбаи маорифи ноҳия ва ҷавонони ҷамоати деҳоти Маҳмадулло Абдуллоев ҷойҳои дуюму сеюмро ишғол намуданд.