Бо ҷалби зиёда аз 255 нафар дар толори варзишии “Вастан” - и ноҳияи Ванҷ мусобиқаи ноҳиявӣ аз намуди гӯштини миллӣ байни наврасон баргузор гашт.

Чорабинӣ бо иқдоми Бахши кор бо ҷавонон ва варзиши ноҳияи Ванҷ ва датгирии соҳибкорони маҳаллию ширкати Tcell гузаронида шуда, дар он 115 нафар варзишгар аз рӯи 12 вазн бо ҳам қувваозмоӣ карданд.

Ба иттилои Масрур Ғайратов, мудири бахш дар даври охири он 12 паҳлавони наврас ба мусобиқаи вилоятӣ, ки дар ояндаи наздик дар шаҳри Хоруғ баргузор мегардад, роҳат гирифтанд.

Бояд қайд кард, ки мусобиқа тибқи нақшаи тақвимии чорабиниҳои оммавию варзишии бахш ба ифтихори солҳои 2019 – 2021, “Солҳои рушди деҳот, сайёҳӣ ва ҳунарҳои мардумӣ” доир шуда, дар фарҷоми он ба ғолибон ифтихорномаю туҳфаҳои хотиравӣ тақдим гардид.