ВАРЗИШ
Якшанбе 08 Сентябр 2024 04:26
![2459](/upload/iblock/ee5/%D0%9C%D1%83%D2%B3%D0%B8%D0%B4%D0%B4%D0%B8%D0%BD%D0%BE%D0%B2.jpg)
– Варзиш дар оилаи мо меросӣ аст. Вақте падарам Тоҷиддин Муҳиддинов ба толори варзишӣ мерафтанд, тағоямро бо худ мебурданд. Баъдан ман дунболи тағоям Сайнуриддин Азизов вориди толори варзишӣ шудам. Ёдам ҳаст, вақте шашсола будам, тағоям ба толор мерафтанд, онҳо роҳ мегаштанду ман бошам баробарашон медавидам. Ҳар дастоварде ки дар соҳаи варзиш падараму тағоям ба даст меоварданд, заминаи мусоиде фароҳам меовард барои дар ин соҳа пурра ворид шуданам, - мегуяд Умедҷон Муҳиддинов.
Умедҷон соли 1997 дар шаҳри Сарбанд ба дунё омадааст. Аз хурдӣ таҳти роҳбарии устодаш Маҷидов Шарбат дар намуди гӯштини самбо тамрин мекунад. Қаҳрамони Ҷумҳурии Тоҷикистон дар вазни 68 кило (соли 2015), ду маротиба дорандани медали нуқраи мусобиқаи ҷумҳуриявӣ, ғолиби Ҷоизаи Исмат Абдуллоев - падари самбои тоҷик, ғолиби чандин мусобиқаҳои шаҳрию вилоятӣ ва қаҳрамони самбои Русия дар соли 2016 (вазни 70 кило) мебошад.
Умедҷон баъди қаҳрамони ҷумҳурӣ гардидан, барои гузаронидани машқҳои дастаҷамъӣ ва омода шудан ба мусобиқаҳои сатҳи байналмилалӣ ба Русия сафар мекунад. Маҳорату малакаи пайравони ҷаҳонпаҳлавони тоҷик Сайидмуъмин Раҳимов диққати мураббиёни русро ҷалб мекунад ва Умедҷонро баҳри ширкат дар мусобиқаҳои дохилии Федератсияи Русия даъват менамоянд. Баъди таклифи муарббиёни рус ӯ дар XI-умин Фестивали самбои миллии давлати Русия иштирок намуда, баъди чор пирӯзӣ бо ҳарифон медали тиллои мусобиқаи мазкурро ба гардан меовезад. Зимни ҷоизасупорӣ намояндагони варзиши рус Умедҷонро миёни дигар варзишгарон ягона варзишгари тоҷик ва беҳтарин варзишгари мусобиқаи мазкур эълон мекунанд, ки барои ӯ лаҳзаҳои фаромушнашаванда аст.
- Барои мо ифтихор аст, вақте ки ба хотири варзишгари тоҷик парчам боло бардошта мешаваду Суруди миллӣ садо медиҳад, - гуфт Умедҷон. - Ин ифтихори ватандорӣ аст. Ин орзуи кӯдакии ман буд ва ман ин орзуямро тани танҳо ҷашн гирифтам. Афсӯс ки рафиқонам дар мусобиқа набуданд, ки шодишарики ман мешуданд. Зеро дар он мусобиқа ягона варзишгари тоҷик ман будам. Ба ҳар ҳол ин лаҳзаҳо дар ҳаёти ман фаромӯшнашуданист.
Моҳи марти соли ҷорӣ мусобиқаи ҷумҳуриявии самбо баргузор мегардад. Дар ин мусобиқа самбочиёни мамлакат аз сартосари ҷумҳурӣ ҷамъ омада, барои мақомҳои ифтихорӣ мубориза мебаранд. Зеро ин мусобиқа муайян мекунад, ки дар вазнҳои гуногун муаррификунандаи миллати тоҷик давоми як сол дар мусобиқаҳои байналмилалӣ кӣ буда метавонад. Умедҷон низ баҳри ғолибият дар ин мусобиқа бо даъвати устодаш баъди омодагиҳои яксолаи берун аз кишвар ба ватан баргашт. “Мусобиқаи ҷумҳуриявӣ дар сатҳи баланд ва муҳорибаҳо пуршиддат мегузаранд. Варзишгарон давоми сол омодагии ҳамаҷониба мегиранд. Имсол низ рақобат барои дарёфти ҷойҳои ифтихорӣ зиёд аст ва ман ҳам баҳри омода шудан дар ин мусобиқа давоми сол дар машқҳои дастаҷамъӣ будам. Айни ҳол мақсади асосӣ қаҳрамони ҷумҳурӣ гаштан ва роҳхат ба мусобиқаҳои сатҳи байналмилалиро ба даст овардан аст. Баъди амалӣ гардидани ин нақшаҳо баҳри парафшон намудани парчами кишвар дар мусобиқаҳои сатҳи байналмилалӣ талош мекунем”, - афзуд ҳамсуҳбатам.
Умедҷон таъкид намуд, ки роҳи варзиш осон нест. Чун мақсади асосӣ назди варзишгар обрӯи миллат қарор мегирад. “Ҳадафи ҳар варзишгар муаррифии миллату давлат аст. Мо варзишгарон дар баробари оне ки роҳи варзиш душвор аст, ифтихор мекунем, ки ин масъулияти бузургро ба дӯш дорем”.
Умедҷон Муҳиддинов айни ҳол донишҷӯи соли дуюми Донишкадаи тарбияи ҷисмонии Тоҷикистон ба номи Сайидмуъмин Раҳимов буда, шукргузорӣ аз фазои тинҷу осудаи ватан намуда, муаррифии миллату давлатро дар арсаи байналмилалӣ ҳамчун қарзи варзишии худ медонад. Фатҳи қуллаҳои баланди варзишро барояш таманно дорем.
Умедҷон соли 1997 дар шаҳри Сарбанд ба дунё омадааст. Аз хурдӣ таҳти роҳбарии устодаш Маҷидов Шарбат дар намуди гӯштини самбо тамрин мекунад. Қаҳрамони Ҷумҳурии Тоҷикистон дар вазни 68 кило (соли 2015), ду маротиба дорандани медали нуқраи мусобиқаи ҷумҳуриявӣ, ғолиби Ҷоизаи Исмат Абдуллоев - падари самбои тоҷик, ғолиби чандин мусобиқаҳои шаҳрию вилоятӣ ва қаҳрамони самбои Русия дар соли 2016 (вазни 70 кило) мебошад.
Умедҷон баъди қаҳрамони ҷумҳурӣ гардидан, барои гузаронидани машқҳои дастаҷамъӣ ва омода шудан ба мусобиқаҳои сатҳи байналмилалӣ ба Русия сафар мекунад. Маҳорату малакаи пайравони ҷаҳонпаҳлавони тоҷик Сайидмуъмин Раҳимов диққати мураббиёни русро ҷалб мекунад ва Умедҷонро баҳри ширкат дар мусобиқаҳои дохилии Федератсияи Русия даъват менамоянд. Баъди таклифи муарббиёни рус ӯ дар XI-умин Фестивали самбои миллии давлати Русия иштирок намуда, баъди чор пирӯзӣ бо ҳарифон медали тиллои мусобиқаи мазкурро ба гардан меовезад. Зимни ҷоизасупорӣ намояндагони варзиши рус Умедҷонро миёни дигар варзишгарон ягона варзишгари тоҷик ва беҳтарин варзишгари мусобиқаи мазкур эълон мекунанд, ки барои ӯ лаҳзаҳои фаромушнашаванда аст.
- Барои мо ифтихор аст, вақте ки ба хотири варзишгари тоҷик парчам боло бардошта мешаваду Суруди миллӣ садо медиҳад, - гуфт Умедҷон. - Ин ифтихори ватандорӣ аст. Ин орзуи кӯдакии ман буд ва ман ин орзуямро тани танҳо ҷашн гирифтам. Афсӯс ки рафиқонам дар мусобиқа набуданд, ки шодишарики ман мешуданд. Зеро дар он мусобиқа ягона варзишгари тоҷик ман будам. Ба ҳар ҳол ин лаҳзаҳо дар ҳаёти ман фаромӯшнашуданист.
Моҳи марти соли ҷорӣ мусобиқаи ҷумҳуриявии самбо баргузор мегардад. Дар ин мусобиқа самбочиёни мамлакат аз сартосари ҷумҳурӣ ҷамъ омада, барои мақомҳои ифтихорӣ мубориза мебаранд. Зеро ин мусобиқа муайян мекунад, ки дар вазнҳои гуногун муаррификунандаи миллати тоҷик давоми як сол дар мусобиқаҳои байналмилалӣ кӣ буда метавонад. Умедҷон низ баҳри ғолибият дар ин мусобиқа бо даъвати устодаш баъди омодагиҳои яксолаи берун аз кишвар ба ватан баргашт. “Мусобиқаи ҷумҳуриявӣ дар сатҳи баланд ва муҳорибаҳо пуршиддат мегузаранд. Варзишгарон давоми сол омодагии ҳамаҷониба мегиранд. Имсол низ рақобат барои дарёфти ҷойҳои ифтихорӣ зиёд аст ва ман ҳам баҳри омода шудан дар ин мусобиқа давоми сол дар машқҳои дастаҷамъӣ будам. Айни ҳол мақсади асосӣ қаҳрамони ҷумҳурӣ гаштан ва роҳхат ба мусобиқаҳои сатҳи байналмилалиро ба даст овардан аст. Баъди амалӣ гардидани ин нақшаҳо баҳри парафшон намудани парчами кишвар дар мусобиқаҳои сатҳи байналмилалӣ талош мекунем”, - афзуд ҳамсуҳбатам.
Умедҷон таъкид намуд, ки роҳи варзиш осон нест. Чун мақсади асосӣ назди варзишгар обрӯи миллат қарор мегирад. “Ҳадафи ҳар варзишгар муаррифии миллату давлат аст. Мо варзишгарон дар баробари оне ки роҳи варзиш душвор аст, ифтихор мекунем, ки ин масъулияти бузургро ба дӯш дорем”.
Умедҷон Муҳиддинов айни ҳол донишҷӯи соли дуюми Донишкадаи тарбияи ҷисмонии Тоҷикистон ба номи Сайидмуъмин Раҳимов буда, шукргузорӣ аз фазои тинҷу осудаи ватан намуда, муаррифии миллату давлатро дар арсаи байналмилалӣ ҳамчун қарзи варзишии худ медонад. Фатҳи қуллаҳои баланди варзишро барояш таманно дорем.
Эзоҳи худро нависед