Дар ҷамоати Рустамбек Юсуфбекови ноҳияи Ишкошим байни 10 дастаи бонувон мусобиқаи волейбол баргузор гардид.

Баъди рақобатҳои шадиди даври ниҳоӣ ҷойи аввал насиби дастаи “Дашт” шуда, дастаҳои “Намадгут” ва “Шифохонаи марказӣ” бошад зинаҳои дуюму сеюмро ишғол карданд.

Тавре Далер Душанбиев, корманди Бахши кор бо ҷавонон варзиши ноҳия иттилоъ дод, мусобиқа бо иқдоми Бахшу Мактаби варзишии ноҳия ба муносибати Рӯзи модар ташкил шуда, мухлисони он то баранда шудани дастаҳои дӯстдошта самимона ҳаводорӣ намуданд.

Дар охир барои дастаҳои ғолиб аз ҷониби Бахш ифтихорнома ва мукофотпулӣ тақдим гашт.