Дар шаҳри Токиои Ҷопон Чемпионати Осиё оид ба қаиқронӣ оғоз гашт. Мусобиқаи мазкур аз 18-ум то 21-уми апрел баргузор мегардад. Кишвари моро дар ин мусобиқа як нафар варзишгар Шаҳриёр Даминов намояндагӣ мекунад. Ин варзишгар дар рӯзи аввали мусобиқа бо талошу заҳматҳо тавонист ба финали сабқат дар масофаи 200м роҳ ёбад.

Ӯ рақобати худро дар даври финалии ин масофа фардо соати 10:40 бо вақти Душанбе баргузор менамояд.

Зоҳирҷон Набиев, мурабии Даминов Шаҳриёр зимни суҳбати телефони ба мо қайд кард, ки ин варзишгари меҳан имкони роҳ ёфтан ба Бозиҳои олимпиро дорад.

Дар марҳилаи финалии мусобиқа 9 қаиқрон иштирок мекунанд ва аз миёни онҳо ду нафар варзишгар, ки мақомҳои якум ва дуюмро касб менамоянд, роҳхати Бозиҳои олимпиро ба даст хоҳанд овард,- гуфт Зоҳирҷон Набиев.

Ҳошим РАҲМАТУЛЛОЕВ, “ҶТ”