САЙЁҲӢ
Душанбе 29 Ноябр 2021 08:20
1002
Имрӯз, 15 июн дар шаҳри Хоруғ бо ташабуси Кумитаи ҷавонон, варзиш ва сайёҳӣ конфронси  сайёҳӣ таҳти унвони «Тоҷикистон ҷавҳари кашфношуда: мушкилот ва дурнамо» доир гашт.

Дар он раҳбарон ва намояндагони мақомоти маҳаллии ВМКБ, бахши молия, иқтисод ва ояндабинии дастгоҳи раиси вилоят, сохторҳои қудартӣ, ширкатҳои туристии байналмилалӣ иштирок ва баромад намуданд.

Кофронсро Шодихони Ҷамшед, раиси ВМКБ  ифтитоҳ намуда, меҳмонони хориҷиву ватаниро ба вилоят хайрамақдам гуфта, иброз дошт, ки риштаи сайёҳӣ дар дунёи имрӯза ҳамчун яке аз соҳаҳои муҳим ба шумор рафта, сол аз сол маъруфияти бешеро касб намуддааст. Он яке аз муҳимтарин бахши иқтисодиёти ҷаҳонӣ ба шумор меравад, - Тоҷикистон хамчун кишвари кӯҳсор ва соҳиби ёдгориҳои кӯҳани тарихӣ, обҳои зулолу чашмаҳои шифобахш ва ба талаботи сайёҳӣ мувофиқ мавқеи ба худ хосро дорост. Ҳукумати кишвар имкониятҳои зиёдро дар рушди соҳа ба назар гирифта, дар ин замина чорабиниҳои судмандро рӯи кор овардааст.

Дар мамлакат зиёда аз 200 чашма ва манбаҳои обҳои шифобахш мавҷуданд, ки Гармчашма, Хоҷа Обигарм, Шоҳамбарӣ, Зумрат, Қаротоғ аз машҳуртарини онҳо ба ҳисоб меравад. Яке аз мавзӯъҳои ҷолиби диққат барои сайёҳон шароити мусоиди боғи набототи ВМКБ мебошад, ки дар баландии беш аз 2 ҳазору 320 метр аз сатҳи баҳр ҷой гирифтааст, ва дар он зиёда аз чор ҳазор навъи дарахту растаниҳо мавҷуданд.

Зикр гардид, ки Бадахшон барои тақвият бахшидани экосайёҳӣ, кӯҳнавардӣ, рафтинг, туризми деҳотӣ, лижаронӣ бисёр ҳам мувофиқ аст. Ҳамчунин чашмаи Носири Хисрав, Оромгоҳи Саидфарухшоҳ ва Саидюсуф Алишоҳ, Кофирқалъаи Сӯчони ноҳияи Шуғнон, мавзеъи Имом Муҳаммади Боқир, мазори Саидҷалоли Бадахшӣ ва Мадфани Шоҳ Бурони Алӣ дар Роштқалъа диқати ҷаҳонгардонро ҷалб месозанд.

Раиси вилоят дар самти масоили беҳбудии роҳҳои вилоят, роҳи ҳавоии Хоруғ – Душанбе, омодасозии мутахасисони риштаи сайёҳӣ махсус ёдовар шуда, иброз дошт, ки ҳамаи ин мушкилот марҳила ба марҳила ҳалли худро хоҳанд ёфт.

Аҳтам Абдулозода, раиси Кумитаи ҷавонон, варзиш ва сайёҳӣ зимни баромадаш тавзеъ  дод, ки дар шароити имрӯза  соҳаи сайёҳӣ ҳамчун рукни муҳими ҳаёти иқтисодиву фархангии кишварамон маҳсуб меёбад, - Ҳукумати кишвар, бахусус Асосгузори сулҳу ваҳдати миллӣ мӯҳтарам Эмомалӣ Раҳмон ба ин соҳа таваҷҷӯҳи хос дорад. Соҳаи сайёҳӣ маҳз бо чунин ғамхориҳои сатҳи олӣ ва дар иртибот ба табиати биҳиштосои Тоҷикистону хислатҳои неки инсонии мардуми тоҷик дар дурнамои наздик муваффақияти басо бузургеро соҳиб гаштаст. ВМКБ бо кӯлу дарёчаҳо ва манзараҳои беҳамто дар тамоми олам шӯҳрати зиёд дорад. Ба хотири пешрафти туризми вилоят қаторкӯҳои баландтарини он, ёдгориҳои таърихӣ ва пиряхҳои Помиру дигар иншооти соҳаи сайёҳӣ барои ҷалби сайёҳон мусоидат менамоянд.

Дар партави сиёсати оқилонаи Пешвои миллат дар Бадахшон дар муддати кӯтоҳ инфрасохтори гуногуни сатҳи байналмиллалӣ сохта шудаанд, ки феълан баҳри рушди соҳа низ созгор мебошанд.

Бо тартиби муқарраргардонидаи Кумитаи ҷавонон, варзиш ва сайёҳӣ ҳоло 13 субъекти хоҷагидории вилоят иҷозатномаи фаъолияти туристиро доранд. Агарчи маводҳои итилоотии Кумита ба хотири дидорбинии маконҳои тамошобоби минтақа, дар байни дӯстдорони сайру сайёҳат ба таври ройгон тавсия дода шуданд, - Аммо ин шумора ҳам ҳанӯз беҳбудӣ талаб карда, коре бояд кард то ширкатҳои устувори бозори сайёҳӣ пайдо кунем. Ва ба онҳо дар асоси иҷозатнома фаъолияти судманди рақобатпазириро дар бозори туристии вилоят бояд таъмин  созем. Мо масъулин соҳаро лозим аст, ки аз нигоҳи сифатнокӣ, фаъолияти хизматрасонии сайёҳиро дар навбати аввал боздиди назар кунем,- тазаккур дод, Аҳтам Абдулозода

Диловар Буттабекова, роҳбари Мактаби маълумоти касбӣ ва давомдори Донинишгоҳи Осиёи Марказии Хоруғ зимни баромад иброз дошт, ки 86 дарсади курсҳои омӯзишии ҳархелаи таълимгоҳи мазкур, бахусус дар самти тадриси фанни туризм  ба талаботи замон мувофиқ буда, барои дарс гирифтан аз таълимгоҳи касбӣ барои дигарон ҳам тавсия медиҳем.
                        



























Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Ноябр 2021 c.