4 ноябри соли равон дар шаҳраки Ғарм конфронси миллии сайёҳӣ дар мавзӯи “Тоҷикистон ҷавҳари кашфношуда: мушкилот ва дурнамо” ва бегоҳи ҳамин рӯз Фестивали фарҳангию сайёҳии «Марҳамат ба Рашт» бо пешниҳоди намоиши ҳунарҳои мардумӣ ва барномаи фарҳангӣ-консертӣ баргузор мешавад.

Тавре аз Кумитаи ҷавонон, варзиш ва сайёҳӣ хабар доданд, чорабинӣ ба муносибати Рӯзи Конститутсияи Ҷумҳурии Тоҷикистон бо мақсади мусоидат намудан ба устувории рушди туризм ва ҷалби таваҷҷуҳи доираи намояндагони бахши хусусӣ, аз ҷумла ширкатҳои сайёҳӣ барои фаъол гардонидани хатсайрҳои туристӣ ва баланд бардоштани сифати хизматрасонии соҳа рӯи даст гирифта шудааст.

Роҳҳои ҳалли масъалаҳои сайёҳии минтақаи Раштро дар ҷараёни кори конфронс масъулини соҳа якҷо бо намояндагони мақомоти маҳаллӣ ва идораҳои дахлдори минтақа баррасӣ менамоянд.