САЙЁҲӢ
Ҷумъа 22 Январ 2021 09:06
1106
Дар тамоми гӯшаву канори ВМКБ 10 адад ширкатҳои сайёҳӣ фаъолияти мунтазам дошта, дар ҳамбастагӣ бо Кумитаи ҷавонон, варзиш ва сайёҳии кишвар ҳадаферо дар пеш гузоштанд. То ҳар чӣ бештар аҳолии осоиштаро ба он ҷалб намоянд, ки барои даромад гирифтан аз имконоти мавҷудаи туризми дохилӣ васеътар истифода намоянд.

Дар ин замина маскунони деҳоти дурдасти кӯҳистон аз усулҳои гуногуни бизнеси сайёҳӣ амсоли тоқидӯзӣ, ҷӯроббофӣ, омода кардани савғотиҳои гуногун аз пашму мӯйина даромади хубе мегиранд. 

Ё худ хонаҳои аҷдодиро ҳамчун меҳмонхонаҳо дар ихтиёри сайёҳон гузошта, хизматрасониро дар онҳо мутобиқи талаботи мизоҷон ба роҳ мондаанд.

Авало.gif  Авалмоҳ Ҷумъахонова маскуни ҷамоати Зонги ноҳияи Ишкошим аз зумраи бонувоне ҳаст, ки таи чанд соли    охир ба корчаллонӣ шуғл варзида, ҳамарӯза аз ҳисоби фурӯши маҳсулоти дастиаш нафъи зиёд мегирад.        Мавсуф чандин маротиба ҳамчун иштирокчӣ дар курсҳои омӯзише, ки бо ташаббуси Кумитаи ҷавонон дар  шаҳру навоҳии вилоят пайваста доир мегарданд, ширкат намуда нозукиҳои тиҷорат дар соҳаи сайёҳиро аз  худ намудааст.

  Ба гуфти А. Ҷумъахонова қабули меҳмононро ӯ ҳанӯз аз соли 2008 оғоз намуд.
 – Сайёҳоне ҳастанд, ки аз урфу одатҳоямон бархӯрдоранд, аммо тадриҷан мо ҳам дар навбати худ аз      анъанаҳои бисёрии онҳо огоҳӣ пайдо кардем. Агарчи пешаккӣ ҳангоми муошират бо онҳо каму беш мушкилӣ   доштем. Ҳозир худам ва ҳам кӯдакони банда тариқи забонҳои хориҷӣ озодона бо шаҳрвандони хориҷӣ ҳарф мезанем. Маҳсули дастии худамро дар вақтҳои холӣ тайёр мекунам, ки заҳмати зиёдро тақозо дорад. Бинобар ин сайёҳон истеҳсолоти дастиро ба дараҷаи воло қадр мекунанд ва дар баъзе мавридҳо чунин маҳсулотро бо нархи гарон мехаранд.
Масалан, агар тоқӣ ё худ ҷӯроби помирӣ 50 сомонӣ арзиш дошта бошад, туристон онро100 сомонӣ аз мо харидорӣ мекунанд. Ва барояш маҳсулоти асили пашмин афзалияти бештар дорад.

Давлатхон Байрамбеков, сокини деҳаи Ҳисори ноҳияи мазкур аз нафароне аст, ки дар ҳамкорӣ бо мақомоти ноҳиявӣ ва созмонҳои ғайридавлатӣ хонаи шахсии миллии Бадахшониро бо таҷҳизоти муосир муҷҷаҳаз намуда, онро
ҳамчун меҳмонхона дар ихтиёри сайёҳон гузоштааст. Хонаи номбурда дорои ҳамаи шароитҳои истироҳатӣ буда, яке аз беҳтарин меҳмонхонаҳо дар ҳудуди ноҳияи Ишкошим ба ҳисоб меравад. Аҳли оилаи Байрамбековхо аз он хушнуданд, ки тамоми ҳосилоти заминие, ки барои ғизо ба даст меоваранд, парвардаи худашон аст ва он аз ҳар гуна доруҳои кимиёвӣ озод аст.давлатхон.gif
Мувофиқи тавзеҳоти Д. Байрамбеков то ба ҳол усули киштукор ва нигоҳубини ганудуму сабзавот бо усули анъанавӣ сурат мегирад. Яъне қабл аз заминкорӣ тухмиҳои беҳтарини худӣ нигох дошта мешаванд, ки орӣ аз ҳар гуна гибрид мебошад. Ба ҳамин хотир сайёҳон аз истеъмоли меваҷоту сабзавоти хоҷагидории шахсии мавсуф қаноатманд мебошанд.

Дурдастарин мавзеи Ишкошим деҳаи Лангар аст, ки дар баландии 2 ҳазору 850 метр аз сатҳи баҳр ҷойгир аст. Теъдоди бештари аксҳои рӯи сангиву петраглифҳо маҳз дар ҳамин мавзеъ ҷой гирифтанд. Онҳо аз рӯи хусусиятҳои хоси архелогӣ дар Осиёи Миёна ҷои дувумро ишғол мекунанд.

муллоев.gif Ёдгоршоҳ Муллоев, бошандаи деҳаи мазкур дар меҳмонхонааш, ки дорои чор утоқи алоҳида ва як хонаи  урфии Бадахшонӣ аст, таи чанд соли охир сайёҳонро қабул мекунад. Ӯ мегӯяд, ки аз солҳои пеш то ҳозир ҳар   як сайёҳе, ки вориди мавзеи Лангар мешаваду то даме, ки ҳамаи ҷойҳои тамошобоб ва бахусус аксҳои рӯи    сангиро надидааст, деҳаро ба зудӣ тарк намекунад.

  - Имсол аз моҳи апрел сар карда, то ҳозир шумораи зиёди туристонро қабул намудем. Аксари онҳо аз    тамошои Қалъаи Наматгут сар карда, то ба макони тупхонаи Ратм сайёҳатро давом медиҳанд. Воқеан    солҳои пеш барои пазироии онҳо мушкилоти гуногун доштем. Аммо бо шарофати Истиқлолияту Ваҳдат  шароити зиндагии мо ҳам беҳтар гардида, ҳоло аз қабули шаҳрвандони хориҷӣ
 манфиати қобили қабул мегирем.
Мавриди зикр аст, ки шумораи зиёде аз сайёҳон , ки тариқи хатсайри Мурғоб - Харгӯшӣ - Лангар – Ишкошим сафар менамоянд. Баъди ҳаракати тӯлонӣ маҳз дар хонаи Ё. Муллоев истироҳат мекунанд.

Саидбек Айдимамадов, сокини мавзеи Зонг қаблан барои қабули меҳмонон дар хонаи хусусӣ ягон хел шароити мусоид надошт. Аммо баъдан хонаи бобоияшро бо дастгирии моддии Кумитаи ҷавонон ва ташкилотҳои ғайридавлатӣ аз таҷҳизоти замонавӣ, ҳаммом ва ҳоҷатхонаи муосир муҷҷаҳаз сохт. Ба гуфти мавсуф ӯ ҳар сол аз моҳи май сар карда, то октябр меҳмононро дар як ҳафта чор маротиба бо теъдоди зиёда аз 14 нафар қабул мекунад.
- Бештари сайёҳоне, ки мо пазироӣ мекунем, шаҳрвандони ҳамсоякишварҳо ё худ аз мамлакатҳои Иттиҳоди Давлатҳои Мустақил ҳастанд. Барои онҳо пеш аз ҳама таомҳои миллӣ ва хуришҳо писанд мебошад. Аз ин лиҳоз чунин таомро мувофиқи фармоиши онҳо омода мекунам ва туристон кӯшишҳои моро саховатмандона қадр мекунанд.




Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 31 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Январ 2021 c.